Sasoi bikainean dago Pello Bilbao (Bahrain). Hori erakutsi zuen, besteak beste, Euskal Herriko Itzulian, eta gauza bera erakusten ari da Alpeetako Tourrean: Gernikako txirrindulariak irabazi du bigarren etapa, eta liderraren elastikoa soinean duela irtengo da bihar. Atzoko erlojupekoan ere bigarren amaitu zuen Bilbaok, Geoffrey Boucharden atzetik (Ag2r).
Italiako Giroa prestatzen ari diren txirrindulariz josita dago Alpeetako Tourra, lehen Trentinoko Giroa zena. Gaur, Bahrainek ez du nahieran kontrolatu San Martino di Castrozzan (Italia) amaitzen zen etapa, eta azken hogei kilometroetako jaitsieran ahalegin handia egin behar izan du Bilbao eta Mikel Landa buru dituen taldeak. Kostata harrapatu dituzte ihes eginda zihoazen Pavel Sivakov (Ineos) eta Michael Storer (FDJ). Behin haiek harrapatuta, Bilbao izan da azkarrena azken metroetan, Romain Bardeten (DSM) eta Attila Valterren (FDJ) aurretik. Zortzigarren amaitu du Landak.
Pello Bilbao s'est imposé sur la deuxième étape du #TouroftheAlps#TotA au sprint devant Romain Bardet et Attila Valter Bilbao prend les commandes du général. #TOTA2022pic.twitter.com/XHh5Fwtmzr
— Les Rois du Peloton (@LRoisDuPeloton) April 19, 2022
