Albistea entzun

Mallorca 2-1 Alaves

Alavesek gero eta urrutiago du salbazioa

Arabarrek sei puntura dituzte mailari eusteko postuak, Mallorcaren zelaian galdu ostean. Ez dira aurkaria baino gutxiago izan, baina berriro ere garesti ordaindu dute erasoan duten argitasun falta.

Mallorcako Kubo eta Alaveseko Duarte lehian.
Mallorcako Kubo eta Alaveseko Duarte lehian. Cati Cladera / Efe Tamaina handiagoan ikusi

Ainara Arratibel Gascon -

2022ko apirilak 19 07:18

Larunbatean Mendizorrotzan Rayori irabazita piztutako itxaropena, lausotu egin zaio Alavesi. Arabarrek 2-1 galdu dute Mallorcaren zelaian. Etxekoak diragehiago izan. Baina bi aldiz lortu dute Pachecoren atea zulatzea. Une erabakigarrietan, gainera. Alavesek, berriz, denboraldi osoan zehar zelai erditik aurrera dituen gabeziak erakutsi ditu este behin: sormen eta argitasun falta. Hori gabe jai dago egun Lehen Mailan. Hala, porrot mingarria jaso du aurkari zuzen baten zelaian, eta salbazioa gero urrutiago dute babazorroek: sei puntura. Gainera, Mallorcaren aurkako golen aldea ere kontra dute.

Baina gauzak oso bestelakoak izan zitezkeen arabarrentzat. Izan ere, lehen bost minutak bete aurretik gola egin dute Alavesek. Lejeunek sartu du, baina VARean begiratu eta gero, Soto Grado epaileak baliorik gabe utzi du,. ustez, arabarren erdiko atzelariari eskuan jo diolako baloiak. Handik pare bat jokaldira, ordea, 11. minutuan, Mallorcaren gola ailegatu da Falta bat jaurti du, eta pare bat aldaratzeren ostean, Pratsek gola sartu du, orpoz egindako erremate batekin. Berriz ere ataka zailean ziren arabarrak.

Aurretik jarrita, Mallorcak patxadaz jokatu nahi izan du baloi jabetza luzeak izanda, eta ahal zuenean zelai erditik aurrera dituen jokalarien abiadura baliatu: Muriqui, Kubo... Alaves ahalegindu da presioaren bidez jabetza luze horiek mozten. Baina ez du asmatu. Neurketaren agintea etxekoena zen, nahiz eta Alaves suspertzen joan da. Hurrengo minutuak partida osoaren isla izan dira. Bi taldeei lotuta ikusi zitzaien, tentsio handiarekin. Apenas ziren gai erasoko jokaldiak sortzeko. Lehen zatiaren azken txanpan, Alaves hobea izan da, eta bizpahiru aldiz gerturatu da Ricoren atera. Escalantek eta Joseluk sortu dute arrisku gehien.

Bazirudien lehen zatia 1-0 amaituko zela, baina bazela itxaropena neurketari buelta emateko. Izan ere, Mallorca ez zen Velazquezen taldea baino gehiago. Epaileak lau minutuko luzapena adierazi du, eta azken jokaldian Muriquik bigarrena egin du Mallorcarentzat. Alboko sake batean izan da. Aurrelariak ondo babestu du baloia, eta arabarren atzealdea bigun aritu zen, buelta ematen utzi baitzion, eta aurrelariak ederki gurutzatu zion baloia Pachecori.

Sakontasun bila
Bigarren zatian Alavesek baloi jabetza izan du, baina ez zen gai horri etekina ateratzeko. Zelai erdiko jokalariak Joselurengandik oso urrun aritu ziren, eta apenas iritsi zaio baloi argirik. Hegaletatik jokoari sakontasun gehiago eman asmoz Manu Garcia eta Pellistri zelairatu ditu Velazquezek. Eta neurri batean lortu du. Azkenerako iritsi da Alavesen gola. Oraingo honetan zoria alde izan du. Mallorcako Raillok bere atean sartu du Joseluren erdiraketa bat buruz jo ostean.

Hamazazpi minutu zituzten arabarrek gutxienez partida berdintzeko. Alavesek atzean sartu du Mallorca. Baina ideiak falta izan zaizkio gola egiteko. Kataluniarrak eusteko lanean aritu dira, Partidako ia azken jokaldian Alaveseko jokalariek penaltia eskatu dute, Pellistrik egindako erremate batean. Baina epaileak ez du hala ikusi, eta hor amaitu da neurketa.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Orioko arraunlariak pozarren, atzo irabazi izana ospatzen, Bilboko ibai bazterrean. ©ARITZ LOIOLA / FOKU

Isil-isilik dago Orio lanean

Aitor Manterola Garate

Oriok irabazi du Eusko Label ligako aurreneko estropada Bilbon, erlojuaren aurka. Denbora onena egiten ari zen Donostiarra kateatu egin da bigarren ziabogan. Urdaibai faboritoa bosgarren izan da
Andrea Astudillo patroia eta Xubane Uribarrena arraunlaria zutik atzo Bilbon, Arraun Lagunaken garaipena ospatzen hasita taldekideekin. ©ARITZ LOIOLA / FOKU

Arraun Lagunak-ek indarra hartu du Euskotren ligako aurrenekoa irabaziz

A. Manterola Garate

Erlojuaren aurkako estropadan azkarrena izan da, Bilbon. Oriori bost segundo atera dizkio
Aitor Fernandez. ©DOMENECH CASTELLO / EFE
Fabio Jakobsen, atzo lortutako garaipena ospatzen. ©TIM KILDEBORG JENSEN / EFE

Zalantzak aurrenekoan argitu ditu

Beñat Mujika Telleria

Jakobsenek irabazi du Frantziako Tourreko bigarren etapa, esprintean. Van Aert lider jarri da, eta tentsioa izan da tropelean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.