Lucio Castañeda Guardiako (Araba) alkateak dimisioa aurkeztu dio gaur EAJri, «arrazoi pertsonalengatik». EAJk EH Bildurekin eta PSErekin koalizioan gobernatzen du Guardian, eta datorren astelehenean utziko du alkate kargua, apirilaren 25ean, udalak egingo duen osoko bilkuran.
Castañedak duela aste batzuk adierazi zien tokiko hedabide batzuei dimisioa emateko asmoa. Azaldu zuenez, udal idazkaria ordezkatuko dute, eta, erabaki horren harira, bere gobernu taldearen barruan «desadostasunak» zeudela ikusi zuen. Zenbait hedabideren arabera, alkateak ez zuen bere taldearen babesik izan, eta orduan eman zuen kargua uzteko asmoaren berri.
