Enpresak

Sidenorrek Valentzian txatarra egiten duen enpresa bat erosi du

AMR Aguilar Metal Recycling enpresa bereganatu du euskal altzairugileak, «txatar horniduran segurtasuna» ekarriko diolako.

Sidenorren altzairutegia Basaurin. MARISOL RAMIREZ / FOKU
Irune Lasa.
2022ko apirilaren 25a
13:05
Entzun

Sidenorrek erosketa bat egin du Valentzian, Sagunton txatarraren sektorean diharduen enpresa bat bereganatuta: AMR Aguilar Metal Recycling. Euskal altzairugintza taldearen asmoa txatar hornidura eta haren prezioa ziurtatzea da, bi aldagaiak oso aldakorrak baitira orain.

AMRk industriarako txatarra sortzen du, Saguntoko industria eremuan automobilgintzako zenbait fabrika handi daudela baliatuta. Txatar egilearen kokapena garraiorako ere egokia da, Saguntoko portutik 300 bat metrora dituelako lantegiak, eta bost kilometrora merkantzietarako tren terminal bat. Haren bidez bidal dezake txatarra Sidenorrera.

Hurrengo hiru hilabeteetan mamituko da salerosketa, eta haren zenbatekorik ez du jakinarazi Jose Antonio Jainagaren taldeak. Sidenorren arabera, «industriarako txatarra bezalako lehengai funtsezko baten horniduran segurtasuna» dakarkio erosketak.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.