50 bat herritar bildu dira gaur goizean Arteagan, familia bati sostengua agertzeko. Izan ere, emakume bat, haren 9 urteko bi haur eta adin nagusiko alaba etxegabetzeko operazioa zegoen aurreikusita 13:00etarako.
Iritsi da polizia. Biolentzia ekonomiko kasu argi baten aurrean azalduta ere, etxegabetzea aurrera doa.
— Galdakaoko Etxebizitza Sindikatua (@GESelkarlaguntz) May 4, 2022
Erresistentzia prest. pic.twitter.com/ZGzE0QmXhj
Atariaren aurrean eseri dira herritarrak, Nire seme-alaben etxea defendatuko dot mezua zuen pankarta batekin. Ertzainak herrian ari ziren bueltaka goizetik. Poliziek ataritik kendu dituzte protesta egiten zutenak, eta azkenean, familia kalean utzi dute.
Polizia guztiz oldartuta.#ItziarEzDoapic.twitter.com/bxaARn2VIH
— Galdakaoko Etxebizitza Sindikatua (@GESelkarlaguntz) May 4, 2022
Kaleratzerik ez! taldearen arabera, baliteke indarkeria matxista egon izana kaleratzearen atzean. Izan ere, emakumea dibortziatuta dago, eta indarkeria fisikoa salatu ez badu ere, irainak eta «indarkeria ekonomikoa» pairatu ditu, besteak beste, taldearen arabera. Izan ere, etxegabetzea eskatzeko arrazoia «min ekonomiko eta psikologikoa» egitea izan dela uste du taldeak.