Hiru urteko haur bat zendu da gaur Corellan (Nafarroa), ur oxigenatua edanda. Umeak produktua edana zuelako berri izan du Poliziak, 13:00 aldera, eta Corellako Udaltzaingoa eta Foruzaingoa harengana joan dira haurrari arta emateko. Ondotik, osasun zerbitzuak joan dira harengana, suspertzen ahalegintzeko. Ordea, ez dute lortu, eta haurra handik gutxira hil da, 14:00 aldera.
Foruzaingoak zabaldutako informazioaren arabera, haurra etxola batean zegoen ur oxigenatua edan duenean. Polizia joan denerako, bihotz-biriketako geldialdian zen umea, larri. Oraingoz, ez dute gertatutakoari buruzko informazio gehiago plazaratu. Ikerketa abiatu dute.
