Albistea entzun

Lan osasuna

Hiru langile hil dira azken 48 orduetan istripu ez-traumatikoetan

Atzo bi garraiolari bi hil ziren, Zamudion eta Iruran, eta gaur beste behargin bat zendu da, lanean ari zela, Errenteriako Gureak-en.

Apirilaren 28an Bilbon Lan Osasunaren Nazioarteko egunean egindako mobilizazioa.
Apirilaren 28an Bilbon Lan Osasunaren Nazioarteko egunean egindako mobilizazioa. Monika de Valle / Foku Tamaina handiagoan ikusi

Berria -

2022ko maiatzak 20

LAB sindikatuak jakinarazi duenez, laneko hiru heriotza jazo dira azken 48 orduetan Euskal Herrian, istripu ez-traumatikoen ondorioz. Atzo ostegunez bi langile hil ziren, bata Zamudion (Bizkaia) eta bestea Iruran (Gipuzkoa); garraiolariak ziren biak.

Sindikatuaren ustez, «ez da kasualitatea garraioan ematen diren heriotzen zati handi bat arazo kardiobaskularrek eragindakoa izatea. Laneko arrisku faktoreak daude kopuru lazgarri hauen atzean: lan sedentarioa, estresa, presio eta erritmo altuak, ordutegiek eragindako bizi kalitate gabezia eta abar».

Errenteriako Gureak-en jazotako laneko heriotzarekin ere antzeko iritzia agertu du sindikatuak: «Ezagunak dira enpresak darabiltzan lan politikak, non lan karga eta erritmoak oso altuak diren».

LABen kalkuluen arabera, aurten dagoeneko hamar laneko heriotza ez-traumatiko gertatu dira Euskal Herrian, «arazo kardiobaskularrak eragiten dituzten arrazoi laboralak tarteko».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jatetxeak itxita eta jende oso gutxi Pekingo kaleetan, maiatzean. ©MARK R. CRISTINO / EFE

OMIKRONAREN KOLPEA

Olatz Urkia

Mundua koronabirusarekin bizitzen hasi den honetan, Txinak ez du bertan behera utzi nahi kutsaturik gabeko estrategia. Eta ordaindu beharreko prezioa altua da. Pandemia hasi zenetik bi urte baino gehiago pasatuta, orain hartu du Txinako ekonomiak kolperik gogorrena.

Kaiet Barberarena, Iholdiko Landaia etxaldean, Kintoa arrazako bere zerrien parkean, joan den ostiralean. ©I.E.

Laborariak kezkatu ditu prezioen goititzeak

Iñaki Etxeleku

Hazkuntzarako kanpoan erosi bazka, ongailu eta erregaien prezioak goratu izanak kinka gaiztoan ezarri ditu laborari franko. Iholdiko Landaia etxaldean ere bai, nahiz autonomia bilatzeak arriskua arintzen dion. Erresilientzia planeko dirua banatzeko Frantziak finkatu arauak, gainera, bazter utzi ditu ehunka etxalde.
Pedro Sanchez, Ministro Kontseilu bereziaren osteko agerraldian. ©Kiko Huesca / EFE

Espainiako Gobernuak 200 euroko txekea emango die errenta apaleko langileei, autonomoei eta langabeei

Irune Lasa

Kotizaziorik gabeko pentsioak %15 igoko ditu, eta garraio publikorako abonuak merkatuko. Pedro Sanchezek energia konpainien irabazien gaineko zerga berria iragarri du. «Gehien lortzen dutenek, ekarpen handiagoa egin behar dute sakrifizio kolektibora».

Pedro Azpiazu Jaurlaritzako Ekonomia sailburua, Eusko Legebiltzarrean, gaur. ©Irekia

Europako funtsetatik 1.090 milioi euro jaso dituzte Arabak, Bizkaiak eta Gipuzkoak

Iker Aranburu

Eusko Jaurlaritza kexu da funtsen banaketa oso motel doalako, eta etsita dago Espainiako Gobernuaren banaketa zentralistarekin.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...