Albistea entzun

Zaldibarko hondamendia

Lurtek enpresak ikertu gisa deklaratuko du 'Zaldibar auzian'

Cedexen txostenak haren egonkortasun kalkuluak auzitan jarri zituen. Instrukzio epea beste sei hilabetez luzatu du epaileak, abenduaren 1era arte gutxienez.

Ertzaintzarren zakur bat bilaketa lanetan, Zaldibarko zabortegia amildu osteko lehen egunetan.
Ertzaintzarren zakur bat bilaketa lanetan, Zaldibarko zabortegia amildu osteko lehen egunetan. Irekia Tamaina handiagoan ikusi

Imanol Magro Eizmendi -

2022ko ekainak 1 09:23

Zaldibarko (Bizkaia) zabortegiko amiltzeak ingurumenean eragindako kalteak aztertzen ari den epaileak Lurtek enpresako bi geologo ikertu gisa deklaratzera deitu ditu. Euskal Herriko Eskubide Sozialen Kartak eta Ekologistak Martxan-ek osaturiko akusazio partikularraren eskaera ontzat hartu du. Cedex ikerketa zentroak hondamendiaren inguruan eginiko txostenean ezbaian jarri zuen Lurteken lana eta hark eginiko egonkortasun kalkuluak. Era berean, Cedexeko teknikari bat deitu du epaileak, peritu / lekuko gisa deklara dezan. Lurtekek Verter Recyclingek hala eskatuta egin zuen bere txostena 2019ko maiatzean. Geologoen deklarazioa entzun ondoren erabakiko du epaileak pertsona gehiago inputatu ala ez.

Deklarazio horiek urrian entzungo ditu epaileak, eta, ondorioz, instrukzio epea sei hilabetez luzatzea erabaki du, abenduaren 1era arte gutxienez. Era berean, Soningeo ingeniaritza bulegoko eta Construcciones Moyua eraikuntza enpresako arduran banan-banan deitu ditu lekuko gisa deklaratzera. Deituriko guztiek hiru eguneko epea dute erabakiaren aukako helegitea jartzeko.

Cedex Espainiako Gobernuko Herri Lanetako Ministerioaren esperimentazio zentroak Zaldibarko hondamendiaren inguruan eginiko txostena xehe-xehe irakurtzeko, sakatu hemen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Maria Txibite lehendakaria eta Ramon Alzorriz PSNko bozeramailea, Nafarroako Parlamentuan. ©JESUS DIGES / EFE

Sindikatu Medikoaren hordagoari men egiteko prest azaldu da Txibite

Ion Orzaiz

Lehendakariak justifikatu du Osasunbideko sendagileei aukera ematea osasun pribatuan ere jardun daitezen: «Profesionalak erakartzeko bidea da». Erabakiaren aurka azaldu dira EH Bildu eta Ezkerra
'Aita Mari' ontziak Mediterraneoan aurkitutako migratzaileen ontzi baten erreskatea, artxiboko irudia. ©Itsas Salbamendu Humanitarioa

'Aita Mari' ontziari espediente bat ireki diote, ia milioi bat euroko isunekoa

Isabel Jaurena

Zigorra 2020ean Palermon (Sizilia, Italia) gertatu ziren ekintza batzuen baitakoa da.

EMBren autobusen kontrako azaroko sabotaia. / ©BERRIA
Bilboko etxegabearen heriotza gaitzetsi zuten atzo iluntzean, udaletxe aurrean. ©MONIKA DEL VALLE / FOKU

«Pobreen aurkako gerra» salatu dute, hildako etxegabea oroitzean

Maite Asensio Lozano

Etxebizitza eskubidea bermatzeko exijitu dute Eskubide Sozialen Gutunak eta AZET taldeak

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...