Albistea entzun

Gerra Ukrainan

Errusiak ziurtatu du Berdianskeko eta Mariupolgo portuak prest daudela garia esportatzeko

NBE Kievekin eta Moskurekin negoziatzen ari da zerealaren arazoari irtenbide bat emateko, eta litekeena da Turkiako armadak Itsaso Beltzean kargaontziak babestea.

Ukrainako Berdiansk hiriko portua, gerra hasi aurretik.
Ukrainako Berdiansk hiriko portua, gerra hasi aurretik. IRINA GORBASYOVA / EFE Tamaina handiagoan ikusi

Mikel O. Iribar -

2022ko ekainak 7 15:09

Sergei Xoigu Errusiako Defentsa ministroak astearte honetan ziurtatu duenez, Ukraina hegoaldeko Berdiansk eta Mariupol hirietako portuak «normal» ari dira lanean, eta Ukrainako zereala esportatzeko «prest» daude, otsailaren 24tik blokeatuta egon ostean. «Berdianskeko portua martxan dago. Prest gaude portu horretan eta Mariupolgo portuan dauden zerealak garraiatuko dituzten ontziak kargatzeko», adierazi du Xoiguk, Interfax berri agentziak jasotako informazioen arabera.

Horiek horrela, Mariupolgo portutik minak kendu dituztela baieztatu du. «Helduak dira lehen kargaontziak». Alde horretatik, Errusiak Donbassen «askatutako zenbait hiritan bizitza baketsua itzultzen» ari dela zehaztu du Xoiguk.

Bi portu horiek Azoveko itsasora dute irteera —Errusiaren kontrolpean dago, Mariupol hiria okupatu ondoren—. Gisa horretara, Moskuk lehorreko korridore bat osatu zuen Donbass eskualdetik Errusiak 2014an anexionatutako Krimeako penintsularaino.

Kievek eta Mendebaldeak behin baino gehiagotan leporatu diote Errusiari Ukrainako portuak «blokeatzea», bai Azoveko itsasoan, bai Itsaso Beltzean. Munduko zerealen esportatzaile nagusietako bat da Ukraina, eta blokeo horrek eragotzi egiten dio Kievi zereala esportatzea: hogei milioi tona zereal baino gehiago ezin dituzte atera. Ukrainako presidente Volodimir Zelenskik, halaber, ohartarazi du litekeena dela Ukrainako portuetan 75 milioi tona zereal pilatzea udazkenerako.

Mendebaldeak, bestalde, Errusiari egotzi dio Ukrainako nekazaritza ekoizpena «bereganatzea» eta «beste herrialde batzuei saltzea». Kremlinek, berriz, esan du Mendebaldeak ezarritako zigorrak ari direla eragiten elikagaien krisia, eta salatu du zigor horiek «mugak» ezarri dizkietela bere esportazioei.

Bien bitartean, Nazio Batuen Erakundea Ukrainarekin eta Errusiarekin negoziatzen ari da zerealaren arazoari irtenbide bat emateko, eta litekeena da Turkiako armadak Itsaso Beltzean kargaontziak babestea.

Errusiako ordezkaritza bat, Turkian

Kremlineko ordezkaritza bat Turkiarekin batzartzekoa da gaur, Ukrainako zereala eta gainerako elikagaiak esportatzeko beharrezkoak diren mekanismoez eztabaidatzeko; Errusiako Atzerri ministro Sergei Lavrov negoziazio mahai horretan izango da, eta bi aldeek Ukrainako zereala Itsaso Beltzetik garraiatzeko proposamen bateratu bat lantzea izango dute xede. Izvestia Errusiako egunkariak atzo jakinarazi zuenez, zereala esportatzeko aurreakordio bat lortu zuten Errusiak, Turkiak eta Ukrainak, baina inork ez zuen baieztatu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Raila Odinga presidentegaiaren jarraitzaileak, Nairobin. / ©Daniel Irungu, EFE

William Rutok irabazi ditu Kenyako presidentetzarako hauteskundeak

Arantxa Elizegi Egilegor

Hauteskunde Batzordeko zazpi kideetatik lauk uko egin diote emaitzak onartzeari. Raila Odingaren jarraitzaileek protesta egin dute batzordeko kideak bilduta dauden hotelaren atarian.

Nicola Sturgeon lehen ministroa, Eskoziako Parlamentuan. ©FRASER BREMNER/SCOTTISH DAILY MA

Hilekoarentzako produktuak doan banatuko ditu Eskoziak gaurtik aurrera

Berria

Gaur sartu da indarrean Hilekoarentzako Produktuen Legea, Eskozian. Udalek eta eskolek banatuko dituzte tanpoiak eta konpresak, eta eskatzen dituen ororentzat eduki beharko dituzte eskuragarri, doan.

Guayaquil hirian igande goizaldean izandako atentatua. ©Guayaseko gobernua.

Bost lagun hil dituzte Ekuadorren, lehergailu batekin egindako atentatuan

Hodei Iruretagoiena

Ekuadorko Gobernuak salbuespen egoera ezarri du Guayaquil hirian, 30 egunerako, «hiria babesteko eta kontrola berrezartzeko beharrezko neurri guztiak» hartzeko.

Israelgo Polizia, atzo, Jerusalem ekialdean. / ©Abir Sultan, EFE

Palestinar bat hil du tiroz Israelgo armadak

Arantxa Elizegi Egilegor

Jerusalem ekialdean egindako sarekada batean hil dute 21 urteko gizonezkoa.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...