Sute bat piztu da Burlatako (Nafarroa) bazar txinatar batean, arratsalde hasieran. Zabaldutako informazioaren arabera, sugar biziek laster batean kiskali dute dendaren barren osoa; eraikina Mugazuri industrialdean kokatuta dago. Foruzaingoak emandako informazioaren arabera, ez da zauriturik izan. Ez dute argitu sutea zerk piztu duen.
Ke beltzaren adar handiak zabaldu dira inguruan. Burlatan ez ezik, Iruñeko Txantrea auzoan eta Atarrabian ere sumatu da eragina. Sutearen ingurutik igarotako lekuko batzuek eginiko adierazpenen arabera, leherketa txikien zarata aditzen da ingurumarietan. Bazar txinatarraren ondoko hotela hustu du Foruzaingoak, barrenean direnen segurtasuna bermatzearren. Gainera, Burlatako eta Atarrabiako bizilagunei eskatu diete ez ditzatela leihoak ireki, kerik ez arnasteko.
[Albistea osatzen ari gara; aurki, informazio gehiago].
