Albistea entzun

Hizkuntza eskubideak jomugan

Zupiriak Anduezari esan dio 4. hizkuntza eskakizuna Osakidetzako 27.000 langiletatik hogeiri baino ez zaiela eskatzen

PSE-EEko idazkari nagusiak adierazi du ezin zaiela mediku guztiei eskatu laugarren hizkuntza eskakizuna. Eusko Jaurlaritzako Kultura eta Hizkuntza sailburuak erantzun dio 27.000 langiletatik hogeiri baino ez zaiela eskatzen laugarren hizkuntza eskakizuna: euskararen zaintzaren ardura duten profesionalei, hain zuzen.

Eneko Andueza, artxiboko irudi batean.
Eneko Andueza, artxiboko irudi batean. Marisol Ramirez / Foku Tamaina handiagoan ikusi

Jon O. Urain -

2022ko ekainak 10

Eneko Andueza PSE-EEko idazkari nagusiak, Herri Irratian eginiko elkarrizketa batean, euskara eskakizunekin lotu ditu osasun sistemak sendagile nahikoa edukitzeko dituen zailtasunak: «Familia medikuen eta beste espezialitate batzuetakoen defizit bat baldin badago, baldintzak egokitu egin beharko dira sendagileak sartzeko. Ezin dugu espero izan Euskadin lanpostuak betetzeko mediku guztiek laugarren hizkuntza eskakizuna izatea, eta eskakizun jakin batzuek asko zailduko dute hori».

Anduezaren hitzetan, «ezin da gauza bat eskatu eta, gero, ziur asko ezinbestekoak edo hain erabakigarriak izango ez diren baldintza batzuen eskakizuna handitu». Gaineratu du osasungintza dagoela «jokoan», eta «denek» jarri behar dituztela «beharrezko tresnak hori birbideratzeko».

Ikusi gehiago: Osakidetzako sindikatuek manifestaziora deitu dute ekainaren 26rako Bilbon

Anduezak azaldu du bera «euskararen defendatzailea eta euskalduna» dela, baina hau erantsi: «Osasun arloko lan eskaintza publiko batean, elementu inportanteetako bat ezin da izan hizkuntza eskakizuna, arriskuan jartzen baitira zenbait zerbitzu». Anduezaren iritziz, «lehentasunak» jarri behar dira lanpostu horiek «lehenbailehen» betetzeko: «Ezin da eduki hamarreko osasun sistema bat, hori eragozten duten exijentziak jartzen badira».

Bingen Zupiria Eusko Jaurlaritzako Kultura eta Hizkuntza politikako sailburuak erantzun dio arratsaldean, zorrotz idatzitako ohar batean. Uste du Anduezaren adierazpenen atzean egoeraren «ezagutzarik eza» dagoela. «Gaur egun Osakidetzako plantilla osatzen duten +/- 27.000 lanpostuetatik, 4. hizkuntza eskakizuna (HE) soilik euskararen zaintzaren ardura duten profesionalei eskatzen zaie: hogei inguru (bost itzultzaile eta hamabost euskara teknikari inguru) eta guztiak, Osakidetzan bertan». Lanpostua lortzeko hizkuntza eskakizuna egiaztatu behar duten kasuetan gehienezko maila B2a dela zehaztu du oharrean: «Horrek esan nahi du osasun arloko lanpostu bakar batean ez direla eskatzen edo baloratzen C1 (EGA) edo C2». Are gehiago, C1 profila egiaztatua duten hainbat mediku badaudela gehitu du, eta horrek ez diela puntuazio gehiago ematen. Zupiriak uste du Anduezaren esanek «alarma» eragin dezaketela horretarako arrazoirik ez egonda ere. «Osakidetzako hizkuntza eskakizunen araubideak ez du lan arloko gatazkarik sortzen profesionalen artean, progresibotasun printzipioak gidatu duen normalizazio araubidea baita. Andueza jaunaren baieztapenek gaur ez dagoen kezka sor lezakete».

Zupiriak arrazoitudu zein irizpideren arabera dagoen finkatuta hizkuntza eskakizuna: «Errealitate soziolinguistikoa (euskara eskatzen da euskaldun kopuru handiena duten eremu soziolinguistikoetan; eskakizuna askoz ere txikiagoa da euskara gutxiago dagoenetan) eta osasun arretaren mota (euskara eskatzen da ahozko arreta handiena ematen den zerbitzu eta arreta unitateetan (lehen mailako arretan), eta haurren arreta zerbitzuetan, besteak beste)». Halaber, zehaztu du pazienteak artatzeko osasun zerbitzuetako lanposturik ez dela geratu bete gabe euskara eskatzearen ondorioz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

MHLI taldeko ikertzaileak eta Maria Jose Telleria Gipuzkoako Foru Aldundiko Kultura diputatua, gaur, aldundian. ©JON URBE / FOKU

Euskal liburu asko zentsuratu zituzten Franco hil ostean ere

Mikel Elkoroberezibar Beloki

Torrealdairen lanari «jarraipena» emanez, MHLI taldeak 1975. eta 1983. urteen arteko zentsurari buruzko liburu bat ondu du. Zentsoreen obsesioa «separatismoa» zela nabarmendu du Ana Gandara ikertzaileak.

Urkullu, gaur goizean, Eusko Legebiltzarrean. ©Endika Portillo / Foku

Urkulluk uste du euskararen aurkako epaiek ez dutela zalantzan jartzen hizkuntz politika

Iosu Alberdi

Urteko lehen kontrol saioa egiten ari dira Eusko Legebiltzarrean. Osasun sistema publikoaren eta pribatuaren arteko harremana babestu du lehendakariak.

AHTaren tunel bat Lezetxiki barruan egin dutela salatu dute ©Lezetxikiren Lagunak

Gipuzkoako Foru Aldundiak dio AHTak ez duela «inolako kalterik eragin» Lezetxikin

Isabel Jaurena

Ekologistak Martxan taldeak erran du AHTaren obrek «haitzuloko lurpeko ekosistema hauskorrari» kalte egin diotela.

«PSNrentzat noiz da eremuz aldatzeko garai egokia? Inoiz ere ez»

«PSNrentzat noiz da eremuz aldatzeko garai egokia? Inoiz ere ez»

Joxerra Senar

Ustekaberik ez zen izan atzo Nafarroako Parlamentuan, baina Mañerun «amorruz eta etsipenez» hartu dute albistea, euren nahiari jaramonik ez dietelako egin Navarra Sumak eta PSNk. Alkateak salatu du «bigarren mailako herritar» sentitzen direla.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...