ANVri dagozkion aulkiak ez ditu hartu NaBaik Etxarrin

Etxarri-Aranatzen (Nafarroa) hutsik geratu dira hamaika hautetsi karguetatik bost, Espainiako auzitegiek baliogabetutako ANVren zerrendari zegozkion bosta ez hartzea erabaki baitu NaBaik. Hauteskundeetako emaitzen arabera, sei zinegotzi eskuratu zituen aipatutako koalizioak eta bost ANVk. NaBaik berari zegozkion seiak hartu ditu, eta Maider Goñi alkategaia alkate izendatu dute.