Albistea entzun

Infografia interaktiboa

Euskal Herria eta Kataluniaren arteko «ekimen bateratu gehiago» iragarri dituzte

Pirinioetako hirurehun gailur baino gehiago argiztatuko dituzte gaur, Euskal Herriaren eta Kataluniaren burujabetzaren alde.

Jon O. Urain -

2022ko uztailak 2 21:53

Gure Esku-k, ANC Biltzar Nazional Katalanak eta FEEC Kataluniako Txangozale Erakundeen Federazioak, Omnium Cultural eta Artistes de la Republica elkarteen laguntzaz, hirurehun tontor baino gehiago argiztatuko dituzte gaur iluntzean, Pirinioetako Bidea izeneko egitasmoan. Helburuak, horra: «herri gogoa» berpiztea, burujabetzaren alde mobilizatzea, gai horretan euskal herritarren eta katalanen arteko elkarlana sustatzea eta aldarrikapen horren mezua nazioarteratzea.

Euskal herritarrek 154 gailur argiztatuko dituzte, hasieran aurreikusitakoa baino 39 gehiago: 97 Euskal Herrian eta 57 Erdialdeko Pirinioetan. Denetara, katalanekin batera, hirurehun gailurretik gora. 91 gailur 'gorri' eta 63 'berde', ”horrela sailkatu dituzte tontorrak: gailur gorriak, zailtasun tekniko eta fisiko handiagokoak, eta berdeak, errazenak eta irisgarrienak”. Asmoa da argi lerro bat osatzea Higer lurmuturretik Creusera. Oraindik ere badago tokia batzuetan, batez ere Izaban, San Martingo Harrian eta Portalet inguruan.

Zuzeneko kontakizuna

21:56

Euskal Herria eta Kataluniaren arteko «ekimen bateratu gehiago» antolatuko dituztela iragarri du Gure Eskuko Amalur Alvarezek ekitaldi nagusian. «Bada garaia inposizioa, umiliazioa eta espioitza amaitzeko».

Edu Lartzanguren

Edu Lartzanguren

19:40

Jaizkibelgo Behatokian du ekimenak gune nagusietako bat. Gailurra argiztatzeko ekintzan parte hartu nahi duen orok 21:00etarako Jaizkibelgo Behatokian edo Paradore Zaharrean egon beharko du. Eragile politikoak ere han elkartuko dira.

Edu Lartzanguren

Edu Lartzanguren

19:36

Gure Eskuko Josu Etxaburuk aurrekoan azaldu zion BERRIAri Pirinioetako Bidea ekimenak «herri gogoa berpiztea» duela helburu. Irakurri hemen elkarrizketa.

Edu Lartzanguren

Edu Lartzanguren

19:34

Gure Esku erakundearen da antolatzaileetako bat, eta horren bozeramaile Josu Etxaburuk nabarmendu du Kataluniarekin batera antolaturiko ekimenaren garrantzia.

Edu Lartzanguren

Edu Lartzanguren

19:20

Jazkibel, oinarrizko kanpalekua

Mobilizazioaren hasiera Jaizkibelen ezarri dute antolatzaileek, Gipuzkoan, eta hura da gune nagusietako bat. Han dago BERRIAko Irati Udalleta Lete kazetaria, prestakizunen berri ematen.

Edu Lartzanguren

Edu Lartzanguren

19:10

Argia, tontorretatik

Pirinioetako hirurehun gailur baino gehiago argiztatuko dituzte gaur, Euskal Herriaren eta Kataluniaren burujabetzaren alde. Jendea mugitzen hasi da dagoeneko tontorretara, eta gertatu ahala kontatuko dugu hemen.

Edu Lartzanguren

Edu Lartzanguren


Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Terrorismoaren Biktimen Oroimenezko Zentroa, Gasteizen ©jaizki fontaneda / FOKU
«Utopien funtzioa energien aktibazioa da»

«Utopien funtzioa energien aktibazioa da»

Jon O. Urain

Nola irudikatu gizarte hobeak, ipar gisa hartu eta bideari ekiteko. Utopiak ez dautza gatazkarik ezean, Martinezen ustez, gatazka «modu justuagoan» kudeatzean baizik. Gizarte hobeak ez baitira «zerutiarrak»: «Beti egongo dira egitekoak».

 ©J. DANAE / FOKU
Jose Maria Aznar eta Felipe Gonzalez Espainiako gobernuburu ohiak, maiatzean, Madrilen. ©BALLESTEROS / EFE

BASOARTE ZARBATSUA

Iosu Alberdi

Espainiako Gobernuak desklasifikatu zituen lehen agiri sekretuak GALen ingurukoak izan ziren, 1997. urtean. Halere, zenbait dokumentu ezkutuan mantentzea erabaki zuen Moncloak, «estatuaren segurtasunaren» izenean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.