Goierrira doaz XVII. BERRIA Txapelketako txapelak. Gaur jokatu da finala Hernanin (Gipuzkoa), eta hiru mailatan nagusitu dira Lazkaoko Lapkeko pilotariak Tolosaren aurka. Eurak ziren faboritoak, baina ez zen espero hiru neurketetan gailentzea.
Kadeteetan, Izagirre eta Karregal lazkaotarrak 22-4 irabazi diete Tolosa eta Castro tolosarrei. Gazteetan, Zubizarreta-Telleriak 22-19 Amondarain-Gabirondori. Eta, azkenik, nagusietan, esperientzia handiko lau pilotariren arteko lehian, Senar-Garmendiak 22-5 irabazi diete Elola-Aizpururi.
Gazteetan, espero bezala, oso neurketa lehiatua izan da, eta ezustekoa, berriz, nagusien mailakoa izan da. Sari banaketan izan da, besteak beste, Martxelo Otamendi BERRIAko zuzendaria.