Gutxienez lau pertsona hil dira zezen plaza bateko harmailak erorita

Corraleja deritzon ikuskizun batean gutxienez lau pertsona hil dira eta beste 300 zauritu, Kolonbiako erdialdean. Dozenaka ikusle hartzeko egurrezko egiturak huts egin du, eta erori egin da.

Tolima departamenduko El Espinalen gertatu da ezbeharra. Corraleja batean, zezena askatzen dute plazaren erdian, eta ikusleak jaitsi egiten dira haren aurrean korrika egitera. Plazetako asko behin-behineko egiturak izaten dira, egurrez eraikitakoak.

Hiru solairu zituen El Espinalen eroritakoak. Jendea hondakinen artean zegoelarik, zezenak plazan jarraitzen zuen. Parte hartzaile batzuek gelditu egin dute, eta labankadaka hil dute hantxe.

Jose Ricardo Orozco Tolimako gobernadoreak emaniko datuen arabera, zaurituetako batzuk hil ala biziko egoeran daude.

Joan zen astean eginiko bozetan Kolonbiako presidente hautaturiko Gustavo Petrok tokian tokiko agintariei eskatu diezenzenketak debekatzeko. «Alkateei eskatzen dietjendearen edo animalien heriotza tartean duten ekitaldiak ez baimentzeko». Izan ere, larunbatean bertan hainbat pertsona zauritu ziren ikuskizunean, eta hilaren hasieran gazte bat hil zen, adarkatuta, Repelon herrian. Abuztuaren 7an hartuko du Petrok presidente kargua.