Albistea entzun

Industria

Tecnalia: «Krisiak ez die eragin enpresen berrikuntza inbertsioei»

Ikerketa zentro sareak 120 milioi euroko fakturazioa izan zuen iaz, eta hamahirugarren postuan dago Europako ikerketa zentroen zerrendan

Tecnaliak garaturiko taxi hegalari prototipoa.
Tecnaliak garaturiko taxi hegalari prototipoa. Andoni Canellada / FOKU Tamaina handiagoan ikusi

Imanol Magro Eizmendi -

2022ko uztailak 6 12:46

Energia eta lehengaien krisiak ez dio Tecnaliari eragin, ez oraingoz behintzat. Ikerketa zentroen sareak «emaitza oso onak» izan zituen iaz, Jesus Valero zuzendari nagusiak nabarmendu duenez euskal enpresek ez dituztelako murriztu berrikuntzan eginiko inbertsioak. Ahalegin horren isla da Tecnaliak iaz fakturaturiko 120 milioi euroak, 2020n baino %5,63 gehiago.

«Datuek diote krisiak ez duela moteldu berrikuntza inbertsioa. Ez dugu beherakadarik sumatu», azaldu du Valerok. Tecnaliako buruaren iritziz, jada joera irmo bat da urtez urte berrikuntzan gehiago inbertitzea, eta espero dute 2023an 140 milioi euro fakturatzea. Hala ere, «kezka» beti hor dagoela onartu du Alex Belaustegi Tecnaliako presidenteak: «Baina gure zeregina da dibulgazioa egitea, eta berrikuntzak eragiten duen guztia ona dela azaltzea».

Gaur egun, 1.464 adituk dihardute Tecnalian, eta 1.200 enpresari ematen dioten zerbitzua. Horien %73 enpresa ertain edo txikiak dira. Ikerketa zentroaren datuen arabera, bezeroen fakturazioa batez beste %40 handitu zen iaz, eta langile kopurua %23. «Start-up txikiei laguntzaren aldeko apustua ondo irten da», laburbildu du Valerok. Izan ere, Tecnaliak eginiko barne ikerketa baten arabera, enpresa batek haien eskutik inbertitzen duen euro bakoitzeko 6,3 jasotzen ditu.

Tecnaliak proiektu propioak ere garatu eta eskaintzen ditu, eta horiek salduz 5 milioi euro lortu zituen iaz. Lantzen ari diren proiektuen artean, arduradunek bana nabarmendu dute. Belaustegik azaldu du aerotaxia dela beren egitasmo gailena, «oihartzunari» dagokionez behintzat. Valerok, berriz, ITEReko fusio erreaktorean eginiko lana aipatu du: «Plasma berotzeko sistema ikertzen ari gara AVS euskal enpresarekin batera». Horiei esker, besteak beste, hamahirugarren postuan dago Europako ikerketa zentroen zerrendan. 3.600 zentro dira guztira.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jeff Bezosek Amazoneko buruzagitza utzi du; besteak beste, Blue Origin espazio bidaien enpresari denbora emateko. ©Blue Origin / EFE

Enperadore modernoa

Iker Aranburu

Amazonen eskutik, Bezosek patrikak bete ditu, baina, batez ere, iraultza eragin du merkataritzan, eta kaleko erakusleihoetatik etxeko ordenagailuetara eraman du. 1,6 milioi langileko inperio erraldoia bigarren mailan uzten ari da Bezos.

Jeff Bezosek Amazoneko buruzagitza utzi du; besteak beste, Blue Origin espazio bidaien enpresari denbora emateko. ©BLUE ORIGIN / EFE

Enperadore modernoa

Iker Aranburu

Amazonen eskutik, Bezosek patrikak bete ditu, baina, batez ere, iraultza eragin du merkataritzan, eta kaleko erakusleihoetatik etxeko ordenagailuetara eraman du. 1,6 milioi langileko inperio erraldoia bigarren mailan uzten ari da Bezos.
Jeff Bezosek Amazoneko buruzagitza utzi du; besteak beste, Blue Origin espazio bidaien enpresari denbora emateko. ©Blue Origin / EFE

Enperadore modernoa

Iker Aranburu

Amazonen eskutik, Bezosek patrikak bete ditu, baina, batez ere, iraultza eragin du merkataritzan, eta kaleko erakusleihoetatik etxeko ordenagailuetara eraman du. 1,6 milioi langileko inperio erraldoia bigarren mailan uzten ari da Bezos.

Arantxa Tapia Ekonomiaren Garapenerako sailburua, atzo. ©IREKIA

Jaurlaritzak «masiboki» bultzatu nahi du energia berriztagarria

Julen Otaegi Leonet

Energia berriztagarrietarako trantsizioa bizkortu behar dela uste du Jaurlaritzak, eta hala eskatu dio Espainiako Gobernuari Industriaren energia kontsumoak murrizteko, ezinbestekotzat jotzen du Madrilek bat egitea eskakizun horrekin.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...