Gaur eman dute ekainean epaitu zituzten Ernaiko zazpi gazteen kontrako epaia: zazpi hilabeteko espetxe zigorrera zigortu dituzte, gazte antolakundeak berak sare sozialetan jakinarazi duenez. Autoritateari erresistentzia larria erakustea eta lesio delituak egitea egotzi diete, eta kalte ordainak ere ordaindu beharko dituzte.
â—ï¸ÂÂÂÂÂ7 gazteen sententzia kalean da
— Ernai (@ernaigazte) July 19, 2022
Autoritateari erresistentzia larria delituei, lesio delituei, kalte ordainei eta bakoitzak 7 hilabeteko espetxe zigorrei egin beharko diete aurre
Gazte borrokak merezi du. Gazteontzako bizitza duinen bidean, zigorrekin ere #EzGaituzueGelditukoâÂÂœŠ pic.twitter.com/VMhrMAta3b
Joan den urteko maiatzean, Ernaik gazteen «larrialdi» egoera salatzeko, eta burujabetza eta eraldaketa soziala aldarrikatzeko mobilizazioa egin zuen Bilboko eta Gasteizko kaleetan, eta Ertzaintzak zortzi gazte atxilotu zituen, zazpi Bilbon eta bat Gasteizen. Bestalde, antolatzaileen arabera, hirurogei pertsonatik gora zauritu zituzten poliziek oldarraldietan, eta horietako bi ospitalean artatu behar izan zituzten.
