Albistea entzun

Hilberria

Olivia Newton-John hil da, 'Grease' filmeko aktorea

Sandy Olsen pertsonaiari eman zion bizitza Grease pelikulan. 30 urte zeramatzan bularreko minbiziaren aurkako borrokan.

Olivia Newton-John Ikerketa Onkologikoen Institutuak antolatutako ekitaldi batean
Olivia Newton-John Ikerketa Onkologikoen Institutuak antolatutako ekitaldi batean MICK TSIKAS / EFE Tamaina handiagoan ikusi

Lide Egizala Urteaga -

2022ko abuztuak 9

Olivia Newton-John aktore eta abeslaria zendu zen atzo, 73 urterekin. 1992an bularreko minbizia diagnostikatu zioten, eta 30 urteren ostean hil da, Kalifornian (AEB), familiaz eta lagunez inguratuta. John Easterling senarrak eman du albistearen berri sare sozialetan. Senideek ere mezu bat zabaldu dute Olivia Newton John Instagrameko kontu ofizialean; familiarentzako «errespetua eta pribatutasuna» eskatu dituzte «garai zail» honetan.

Ibilbide luzeena abeslari gisa egin bazuen ere, haren izena Grease pelikulari esker egin zen ospetsu, Sandy Olsen pertsonaia antzeztu baitzuen. 60ko hamarkadan egin zuen zinemako lehen agerraldia, Australiako film batean. Horren aurretik telebistako kantu programa bat irabazi zuen, eta 1974. urtean laugarren gelditu zen Eurovision kantu lehiaketan. Grease pelikula 1978an estreinatutako filmik arrakastatsuena izan zen, eta haren soinu banda zerrendetako lehen postuetan egon zen asteetan. Aktorea Urrezko Globo baterako izendatuta egon zen, eta hurrengo urteko Oscar sarietan ere parte hartu zuen.

Minbiziaren aurka

Ikuskizunaren munduan erreferente bat izateaz gain, garaipenaren eta itxaropenaren sinboloa ere izan da Newton-John urte askoan. 30 urte zeramatzan minbiziaren aurka borrokan; gaixotasuna hiru alditan diagnostikatu zioten. Lehena 1992an izan zen, haren aita hil eta denbora gutxira; bigarrena, 2013an, ahizpa zaharrena hil ostean; eta hirugarrena, berriz, 2017an. Azken horretan aurreko aldietan baino gehiago konplikatu zen gaixotasuna, eta, diagnostikatu ziotenean, minbizia laugarren fasean zegoen, hezurretan metastasia zuela.

Artistak minbiziaren ikerketara zuzendutako Olivia Newton-John Fundazioa sortu zuen duela urte batzuk Australian, eta familiak, haren memorian, fundaziorako dohaintzak egiteko eskatu du.

John Travoltaren agurra

Olivia John Travoltarekin batera aritu zen Grease pelikulan. Oso harreman estua izan zuten bi aktoreek, eta Travoltak sare sozialetan doluminak eman nahi izan dizkie familiari eta lagunei. Adierazi duenez, Newton-Johnek bere bizitza «hobeagoa» egin du eta haren eragina «ikaragarria izan» da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Nafarroako Orkestra Sinfonikoak Luis de Pabloren —argazkian, erdian— eta beste hainbat konpositoreren lanak interpretatuko ditu gaur. ©BERRIA

1972ko Iruñea harritu zuten doinuak akordura

Uxue Rey Gorraiz

Gaur hasiko dira 72-22 Topaketak Iruñean. Urriaren 18ra bitarte, eta orain dela 50 urtekoak gogoan, askotariko jarduerek eta emanaldiek artez jantziko dute hiria. Musika berebizikoa da gaur: Teresa Catalanen eta Tomas Marcoren solasaldi bat aurrena, eta Nafarroako Orkestra Sinfonikoaren kontzertua ondotik.
Moto- Membra Jesu Nostri obrako lan taldea: Pau Auli, Eneko Sagardoi, Lucia Astigarraga eta Andoni Sierra. ©OSKAR MATXIN EDESA / FOKU

Motoak eta gurutzeak

Iñigo Astiz

'Moto- Membra Jesu Nostri' kontzertu eszenifikatua estreinatuko du bihar Bilboko Arriaga antzokiak, Bieteritx Buxtehuderen musikarekin eta Eneko Sagardoik sortutako testuarekin
Kristof Arotzarena eta Aitziber Zugarramurdi, Zinegin festibalaren antolatzaileak, atzo, Baionan. ©GUILLAUME FAUVEAU

Zinegin festibala urriaren 20tik 23ra egingo dute, zenbait berritasunekin

Ainize Madariaga

Filmez gain, kontzertuak ere antolatu dituzte. Gaualdi «sataniko» sorpresa ere prestatu dute
Hertzainak taldeak joan den asten aurkeztu zituen amaierako kontzertuak. ©Monika del Valle / Foku

Hertzainak-ek beste kontzertu bat emango du BECen, abenduaren 17an

Mikel Lizarralde

Abenduaren 16ko emanaldirako sarrera guztiak amaitu dira dagoeneko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.