Sua piztu da goizalean Basauriko (Bizkaia) etxebizitza batean, eta hiru lagun ospitaleratu egin behar izan dituzte. 05:00etan hasi da sutea, Eusko Jaurlaritzako Segurtasun Sailak berri eman duenez. Etxean zegoen bizilaguna eta bi ertzain zauritu dira; kea arnasteagatik eraman behar izan dituzte Galdakaoko ospitalera.
Etxebizitza blokeko gainerako bizilagunak ere atera egin dituzte etxetik, baina 08:00etarako sua itzaltzea lortu dute suhiltzaileek, eta etxera itzuli ahal izan dira bizilagunak.