Albistea entzun

Industria

Energia garestiak ekoizpena geldiaraziko du Europako bi galdategitan

Herbehereetako zink fundizio batek iragarri du irailean itzaliko dituela labeak. Eslovakiako Slovalco aluminio galdategiak gaur esan du produkzioa etengo duela. Energiaren erabileran oso intentsiboak diren lantegiak larri dabiltza Europan.

Altzairutegiak ere larri dabiltza ekoizpenari eusteko. Irudian, labe garai bat Duisburgen, Alemanian.
Altzairutegiak ere larri dabiltza ekoizpenari eusteko. Irudian, labe garai bat Duisburgen, Alemanian. FRIEDEMANN VOGEL / EFE Tamaina handiagoan ikusi

Irune Lasa -

2022ko abuztuak 17 13:13

Aurreikusi zitekeen, eta gertatzen hasi da. Energiaren prezioek errekorrak hausten jarraitzen dute Europan, eta horrek eragin zuzena du industrian. Are gehiago energian oso intentsiboak diren lantegietan, altzairutegi, galdategi eta halakoetan. Hala, iritsi dira lehen geldialdiak, eta gehiago etorriko dira.

Galdategiak dira lehenak, metalak sortzea delako energia gehien erabiltzen duen industria prozesuetako bat. Atzo Nyrstar taldeak iragarri zuen Budelko zink galdategiak ekoizpena etengo duela irailaren hasierarekin. Europako zink galdategi handienetako bat da Herbehereetakoa, eta munduko zink ekoizpenaren %2 hartu izan du, nahiz eta iazko urte amaieratik produkzioa asko jaitsi duen energia garestiaren ondorioz.

Zink galdategi handiaren itxiera iragarpenak berehala izan zuen erantzuna Londresko metalen merkatuan, zinkaren prezioak %7ko jauzia egin baitzuen.

Gaur, aluminio galdategi batek hartu du txanda. Norsk Hydro konpainiak jakinarazi du Eslovakiako Slovalco aluminio galdategiak ekoizpena geldiaraziko duela irail amaieran, gasaren prezio garestiak ezin eramanda. Urtero 175.000 tona aluminio ekoizten dituen fundizio horrek hilabeteak egin ditu produkzio ahalmena %60ra murriztuta.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Maria Jesus Montero Espainiako Ogasun nistroa, ostegun honetan ©FERNANDO VILLAR (Efe)

Espainiak %1,7 eta %3,5 artean zergapetuko ditu hiru milioitik gorako ondareak

Jokin Sagarzazu

Kopuru horiek ondare zergatik murriztu ahal izango dira, zergapetze bikoitza eragozteko. Madrilek beste neurri batzuk iragarri ditu, PFEZ pertsona fisikoen errenta zergarekin eta sozietateen gaineko zergarekin loturikoak, baina Hego Euskal Herriko ogasunek ez dituzte zertan ezarri.

Sindikatuen manifestazioa, Baionan ©Guillaume Fauveau

Langileentzako neurriak eskatu dituzte Baionan

Ekhi Erremundegi Beloki

Frantziako Gobernuak aurtengo ikasturterako aurreikusi dituen erreformak salatu dituzte sindikatuek.

Siemens Gamesako langileak, Zamudioko lan zentroan. ©LUIS TEJIDO / EFE

Siemens Gamesaren kaleratzeen planak alarma piztu du lantokietan

Xabier Martin

Alemaniako konpainiak 2.900 langile kaleratu nahi ditu, eta horietatik 475 Espainiako Estatuko lan zentroetan aurreikusi ditu. 2.600 langile aritzen dira Euskal Herriko lantokietan, gehienak Nafarroan

Abuztuan goia jo ondoren, argindarra merkatu egin da irailean. ©J.J.Guilen / Efe

Inflazioak koska bat egin du behera irailean

Iker Aranburu

Prezioen urte arteko gorakada %10,5etik %9ra apaldu da Espainian, argindarra merkatu egin baita.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...