50 urteko motor gidari gipuzkoar bat hil da Huescan (Aragoi, Espainia), trafiko istripu batean. 12:25 aldera gertatu da ezbeharra, Guardia Zibilak jakinarazi duenez, Huescako Yesero herrian, N-260 errepidean. Sabiñanigo aldera zihoan motor gidaria, eta bidetik atera eta 65 metroko amildegi batetik behera erori da.
Gidariaren gorpua Huescako Ospitale Probintzialera eraman dute autopsia egitera, eta istripuaren nondik norakoak ikertzen ari dira.
