54 urteko emakume bat hil da gaur arratsaldean Irunen (Gipuzkoa), GI-636 errepidean, moto batek harrapatuta. 22 urteko gidaria, berriz, ospitalera eraman dute, zaurituta. Ertzaintza istripuaren nondik norakoak ikertzen ari da.
Istripua Osinbiribileko eta Behobiako biribilguneen artean izan da. Larrialdi zerbitzuak bertara joan badira ere, emakumea lekuan bertan hil da. Ezbeharraren ondorioz, errepidea erabat itxi behar izan dute.
