Albistea entzun

Arrauna. Kontxako Bandera

Urdaibai eta Orio nagusi lehen jardunaldian

Oriok bi segunduko tarte atera dio Arraun Lagunaki, eta Urdaibaik zazpikoa Hondarribiari eta Donostiarrairi. Zuzenean jarraitu du BERRIAk.

Orio eta Hondarribia, atzo, Donostian egin zuten azken entrenamenduan,
Orio eta Hondarribia, atzo, Donostian egin zuten azken entrenamenduan, Jon Urbe / Foku Tamaina handiagoan ikusi

Paulo Ostolaza - Mikel O. Iribar -

2022ko irailak 4

*Emakumezkoetan, espero zen moduan, bi oilarren arteko lehia izan da Kontxako lehen jardunaldian. Bigarrenean erabakiko da garailea: Orio edo Arraun Lagunak. Bi segundokoa da tartea.

*Gizonezkoetan, sailkatze estropada ahaztu eta Urdaibai nagusitu da, itzulerako luze zoragarri bati esker.

Zuzeneko kontakizuna

12:55

Kontxako Banderako lehen jardunaldiko emaitzak

1. Urdaibai 19.21,56

2. Hondarribia 7,64ra

3. Donostiarra 7,70era

4. Getaria 23,42era

5. Orio 29,02ra

6. Zierbena 36,84era

7. Kaiku 56,74ra

8. Ondarroa 1.03,58ra

Mikel O. Iribar

Mikel O. Iribar

12:52

Urdaibai garaile, lehen jardunaldian

Urdaibaik estropada biribila egin du, eta kolpe handia eman die aurkari zuzenei. Denbora ofizialen zain, 19.21,43ko denbora egin du. Donostiarra bigarrena izan da, 7,70era; eta Hondarribia 7,77ra.

12:48

Urdaibai Kontxako badian sartzera doa, eta gaur Kontxako Bandera erabakitzeko dena alde dauka. 11 segundora dira Hondarribia eta Donostiarra.

Mikel O. Iribar

Mikel O. Iribar

12:47

Donostiarra Urdaibairen uberan sartu da, olatuek eta itsaslasterrak sortzen duten zikinkeria saihesteko asmoz.

Mikel O. Iribar

Mikel O. Iribar

12:47

Bermeotarrak sekulako estropada egiten ari dira, Aranberriren aginduetara. Donostiarrari jada zortzi segundo ateratzen dizkiote, eta 11 Hondarribiari.

Mikel O. Iribar

Mikel O. Iribar

12:45

Hamahirugarren minutua bete den honetan, Urdaibaik olatua hartu du, eta estropada burua hartu du. Donostiarrari hiru segundo ateratzen dizkio, eta bederatzi Hondarribiari.

Mikel O. Iribar

Mikel O. Iribar

12:43

Gorka Aranberri Urdaibaiko patroiak bigarren kaleari eutsi dio; Arkaitz Diaz Donostiarrako lemazaina, aldiz, istribor aldera jo du. Itsasoko epailea bi ontzi horien tartean sartu da, badaezpada.

Mikel O. Iribar

Mikel O. Iribar

12:42

Donostiarrak egin du denborarik onena: 9.51. Urdaibairi lau segundo atera dizkio, hamar Hondarribiari, hamahiru Zierbenari, eta 30 Ondarroari.

Mikel O. Iribar

Mikel O. Iribar

12:40

Urdaibai lehen kalera hurbildu da. Su batean doaz bai Bou Bizkaia bai Donostiarra. Torrekua traineruak zortzi segundo eder ateratzen dizkio Hondarribiari.

Mikel O. Iribar

Mikel O. Iribar

12:36

Lau minutu bete diren honetan, Donostiarrak hartu du estropada burua, baina Urdaibai segundo bakarrera dauka. Zierbena lau segundo atzerago doa, eta Ondarroa hamar. Une honetan, Igor Makazagaren taldeak lau segundo aterako lizkioke Hondarribiari.

Mikel O. Iribar

Mikel O. Iribar

12:34

Iñlaki Errasti Ondarroako entrenatzailea motordun ontzitik jarraitzen ari da estropada: Antiguako Ama-ko tostartetik kanpo geratzea erabaki baitu.

Mikel O. Iribar

Mikel O. Iribar

12:32

Urdaibaik, Kontxako Bandera irabazteko hautagai nagusiak, Hondarribiak egindako denbora du erreferentzia gisa: 19.29,20

Mikel O. Iribar

Mikel O. Iribar

12:31

Abiatu da bigarren txanda

Txanpa bizi-bizian irten dira lau ontziak.

1. Donostiarra

2. Urdaibai

3. Ondarroa

4. Zierbena

Mikel O. Iribar

Mikel O. Iribar

12:28

Denbora ofizialak

1. Hondarribia 19.29,31

2. Getaria 15,57ra

3. Orio 21,22ra

4. Kaiku 48,98ra

Mikel O. Iribar

Mikel O. Iribar

12:25

Hondarribia nagusitu da lehen txandan

Hondarribiak aise irabazi du lehen txanda. Denbora ofizialen zain, 19.29ko denbora egin du. Getaria Orioren aurretik helmugaratu da, hamabostera; San Nikolas, 21era. Kaiku 48ra heldu da.

Mikel O. Iribar

Mikel O. Iribar

12:23

Azken txanpan sartu dira lau ontziak, eta arraunkadak sarritu dituzte.

Mikel O. Iribar

Mikel O. Iribar

12:22

Hondarribiak Santa Klara uhartea igaro duen honetan, Getariari hamabi segundo ateratzen dizkio, eta hamabost Oriori. Kaiku zeharo atzean da, 40ra.

Mikel O. Iribar

Mikel O. Iribar

12:19

Getaria estropada ederra egiten ari da. Esperantza-k Oriorekin bigarren posturako lehia handia du. Hondarribiarengandik hamar segundora dira.

Mikel O. Iribar

Mikel O. Iribar

12:17

Hondarribia badoa: Getariari eta Oriori zortzi segundo ateratzen dizkie. Bitartean, Ioseba Amunarrizek, olatuek norabideak hala markatuta, laugarren kaletik estropadaren eremuaren erdialdera joateko erabakia hartu du.

Mikel O. Iribar

Mikel O. Iribar

12:15

Hondarribiak 10.02ko denbora egin du ziabogan. Getaria bost segundora heldu da, seira Orio eta hemezortzira Kaiku.

Mikel O. Iribar

Mikel O. Iribar

12:13

Arraunkadaz arraunkada, Hondarribia aurkariekiko aldeak handitzen ari da: Getariari eta Oriori sei, eta Kaikuri hamalau.

Mikel O. Iribar

Mikel O. Iribar

12:11

Ander Etxegoien Orioko patroiak zero kale aldera eraman du San Nikolas ontzira, errenpunpen ondorioz sortutako zikinkeria sahiesteko asmoz. Beste hiru ontziek, berriz, euren kaleei eusten diete.

Mikel O. Iribar

Mikel O. Iribar

12:10

Bost minutu bete direnean, Hondarribia dago estropada buruan. Getaria eta Orio bi segundora dira, eta Kaiku bostera.

Mikel O. Iribar

Mikel O. Iribar

12:07

Lehen bi minutuen ostean, ia parean dira lau ontziak. Kaiku segundu bat atzetik.

Paulo Ostolaza

Paulo Ostolaza

12:05

Hasi da gizonezkoen lehen txanda

Oraingoan bai, balekoa da irteera. Harridura eragin du epaileen erabakiak.

Paulo Ostolaza

Paulo Ostolaza

12:02

Lehen txandan Orio doa lehen kaletik, Getaria bigarrenetik, Kaiku hirugarrenetik, eta Hondarribia laugarrenetik. Ez da zigorrik izango lehen irteeragatik, baina ez dago argi zergatik ez den baliokoa izan irteera.

Paulo Ostolaza

Paulo Ostolaza

12:01

Bandera gorria

Hasi da gizonezkoen estropada, baina bandera gorria atera du epaileak.

Paulo Ostolaza

Paulo Ostolaza

11:34

Orio, lehen jardunaldiko azkarrena

Orio izan da Kontxako Banderako lehen jardunaldiko garailea, 10.37,52ko denborarekin.

2. Arraun Lagunak 2,16ra

3. Hondarribia 12,95era

4. Donostiarra 13,30ra

5. Tolosaldea 15,31ra

6. Hibaika 20,39ra

7. Cabo 22,13ra

8. Chapela 37,66ra

Mikel O. Iribar

Mikel O. Iribar

11:30

Lehen txandako denborekin alderatuta, Oriok eta Arraunek hamar segundo ateratzen dizkiete Tolosaldeari eta Hondarribiari.

Mikel O. Iribar

Mikel O. Iribar

11:29

Maniobraren ostean, Agirre Orioko patroiak San Nikolas ontzia bigarren kalera eraman du; Andrea Astudillo Arrauneko lemazainak, berriz, bere kaleari eutsi dio, hirugarrenari. Segundo batean dira bi ontziak.

Mikel O. Iribar

Mikel O. Iribar

11:28

Oriok 5,25eko denbora egin du (Tolosaldearen denbora bera); Arraun Lagunak-i segundo erdia atera dio, Donostiarrai sei, eta Chapelari hamazazpi.

Mikel O. Iribar

Mikel O. Iribar

11:25

Une honetan, Oriok segundo bakarra aterako lioke Tolosaldeari, baita txanda berean lehiatzen ari den aurkari zuzenari ere, Arraun Lagunak-i.

Mikel O. Iribar

Mikel O. Iribar

11:23

Lehen minutua bete denean, Oriok estropada burua hartu du. Arraun Lagunak-i segundo bat ateratzen dio, eta, hiru Donostiarrari eta Chapelari. Estropada bitan hausteko zorian da.

Mikel O. Iribar

Mikel O. Iribar

11:21

Nadeth Agirre Orioko patroiak eskua altxatu du. Itxuraz, estatxarekin arazoak izan ditu.

Mikel O. Iribar

Mikel O. Iribar

11:20

Bigarren txandan ariko diren lau ontziak prest dira:

1. Orio

2. Donostiarra

3. Donostia Arraun Lagunak

4. Chapela

Mikel O. Iribar

Mikel O. Iribar

11:16

Hondarribia ziabogan Tolosarengandik bi segundo atzetik zen arren, Garmendiaren kuadrillak ez du arraunketa galdu. Atzetik aurrerako lan ederraren ostean, berdeek Erostarbek gidatutako taldeari aurrea hartu diote azken txanpan.

Mikel O. Iribar

Mikel O. Iribar

11:13

Hondarribia nagusitu da lehen txandan

Hondarribiak irabazi du lehen txanda! Tolosadeari bi segundo atera dizkio. Buruz buruko lehian Iker Kortesek prestatutako taldea nagusitu da. Hirugarren lekuan Hibaika izan da, garaileengandik zazpira, eta Cabo, bederatzira.

1. Hondarribia 10.50,47

2. Tolosaldea 2,36ra

3. Hibaika 7,44ra

4. Cabo 9,18ra

Mikel O. Iribar

Mikel O. Iribar

11:11

Kontxako badiara sartu dira lau ontziak, eta indarrak garrantzi handiagoa izan du abileziak baino. GPS dantzan dabil. Herio bizian doaz arraunlariak.

Mikel O. Iribar

Mikel O. Iribar

11:09

Itzulerako luzean, poparerako bete-beteko itsasoa ez dagoen arren, olatuek nahikoa bultzatzen dituzte ontziak. Tolosaldea eta Hondarribia segundo berean dira. Bost segundora da Hibaika, eta zazpira Cabo.

Mikel O. Iribar

Mikel O. Iribar

11:07

Tolosaldea izan da ziabogara heldu den lehen taldea. Ramon Erostarberen taldeak 5,25eko denbora egin du. Hondarribiari bi segundo atera dizkio, hiru Hibaikari, eta ia lau Cabori.

Mikel O. Iribar

Mikel O. Iribar

11:05

Hondarribiak bigarren kaletik egin du lehen luzearen aurreneko zatia, olatuen errenpunpa saihesteko asmoz. Aquariuma atzean utzi ondoren, Miren Garmendia Ama Guadalupekoa ontziko patroiak trainerua berriz ere lehenengo kalera eraman du.

Mikel O. Iribar

Mikel O. Iribar

11:03

Hasi da Kontxako Banderako emakumezkoen lehen jardunaldia

Lehen txanparen ostean, lau traineruak segundo batean dira. Tolosaldea eta Cabo estropada eremuko erdialdera joan dira, itsaslasterrari zukua ateratzeko asmo. Hibaika, aldiz, ia bosgarren kalera gerturatu da.

Mikel O. Iribar

Mikel O. Iribar

10:59

Emakumezkoen lehen txandan lau ontzi hauek ariko dira:

1. Hondarribia. Seigarren postuan egin zuen osteguneko sailkatze estropadan. ETE ligako egungo txapelduna da.

2. Tolosaldea. Hirugarren lekuan geratu zen. Estreinakoz aritu da Euskotren ligan, eta jaitsierako kanporaketa jokatuko du.

3. Cabo. Bosgarren egin zuen. Galiziako ligan txapelduna izan da

4. Hibaika. Laugarren postuan egin zuen, eta ETE ligan bigarren lekuan geratu da.

Mikel O. Iribar

Mikel O. Iribar

10:55

Itsasoari dagokionez, olatuak hutsaren hurrengoak dira; haizeak, berriz, ipar, ipar-mendebaldetik ahul jotzen du. Halere, goizak aurrera egin ahala, zertxobat harrotuko dela iragarrita dago. Marea, berriz, 10:52an izan da goian, eta, beraz, gizonezkoen txandakoek itsaslaster gogorrago izango dute, nahiz eta marea hilak izan.

Mikel O. Iribar

Mikel O. Iribar

09:48

Ohitura legez, gaur goizean goiz egin dituzte traineruen pisaketak.

Mikel O. Iribar

Mikel O. Iribar

09:44

Sailkatze estropadetan, berriz, Hondarribia eta Arraun Lagunak izan ziren azkarrenak.

- Asteazkenean aise nagusitu zen Ama Guadalupekoa, eta Cabo kanpoan geratu zen 1,98 segundora. Urdaibaik ez zuen esperotako lana egin.

- Ostegunean, berriz, kinielek asmatu zuten. Donostia Arraun Lagunak izan zen lehena, eta txanponaren alderdi iluna Ondarroari egokitu zitzaion; zortzigarren amaitu zuen.

Paulo Ostolaza

Paulo Ostolaza

09:40

Polemikari itsatsita

Lehia hasi bitartean, errepaso bat asteari. BERRIAn, zalantzarik gabe, Aitor Manterola Garate kazetariak asteazkenean argitaratu zuen artikulua izan da irakurriena: traineruen nabigazioa bizkortzen duen pegatinaren erabilerari buruzkoa. Kontxan erabiltzea debekatu egin du antolakuntzak.

Paulo Ostolaza

Paulo Ostolaza

09:30

Informazio hori bertatik bertara eta zuzen zuzenean jaso du Mikel O. Iribar BERRIAko kazetariak, Donostiatik. Hark egingo du estropadaren zuzeneko jarraipena ere kaiatik.

Paulo Ostolaza

Paulo Ostolaza

09:28

Gizonezkoetan ere egin dute zozketa:

- Lehen txandan: lehen kaletik Orio, bigarrenetik Getaria, hirugarrenetik Kaiku, eta laugarrenetik Hondarribia.

- Bigarren txandan: lehen kaletik Donostiarra, bigarrenetik Urdaibai, hirugarrenetik Ondarroa, eta laugarrenetik Zierbena.

Paulo Ostolaza

Paulo Ostolaza

09:26

Kaleak, zozketatuta

Jardunaldia hasi da jada Donostian, kale zozketarekin.

- Emakumezkoetan, lehen txandan: lehen kaletik Hondarribia, bigarrenetik Tolosaldea, hirugarrenetik Cabo, eta laugarrenetik Hibaika.

- Bigarrengoan: lehen kaletik Orio, bigarrenetik TDonostiarra, hirugarrenetik Arraun Lagunak, eta laugarrenetik Chapela.

Paulo Ostolaza

Paulo Ostolaza

09:23

Egun on! Iritsi da arraunaren asteburu handia, iritsi dira arraunaren Olinpiar Jokoak, iritsi da Kontxako Banderaren lehen jardunaldia.

- 11:00etan hasiko dira lehian emakumezkoak. Orio da bandera hirugarrenez irabazteko faboritoa, baina Arraunek konfiantza berreskuratu du. Bigarren txandan doaz biak. Atarikoa.

- 12:00etan iritsiko da gizonezkoen txanda. Zortzi traineru lehian. Bi txanda. Ohiko martingala: balizko eguraldi aldaketa, kale zozketa... baina estropada bizitzeko, hainbat modu. Atarikoa.

Biak zuzenean jarraituko ditu BERRIAk.

Paulo Ostolaza

Paulo Ostolaza


Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Stephanie Frappart epailea, aginduak ematen. Lehen arbitro emakumea izan da gizonen Munduko Kopan. ©G.LICOVSKI / EFE
Richarlison de Andrade Brasilgo aurrelaria, Serbiari sartutako bi goletako bat ospatzen. ©ANTONIO LACERDA / EFE

Oinutsik daudenak gogoan ditu

Eñaut Agirrebengoa

Pobreziak eta indarkeriak zipriztindutako umezaroa bizi izan zuen Richarlison de Andradek. Hori guztia ahaztu gabe, distira egiten ari da orain Brasilen, bederatzidun elastikoarekin.
Ignacio Sanchez Galan Iberdrolako presidentea Qatarko emir Tamim bin Hamad al-Thanirekin, Espainiako Errege Jauregian. ©IBERDROLA

Petrolioa, gasa eta perlak

Irune Lasa

Qatarko funts subiranoaren, eta, beraz, errege familiaren jabetzak itzelezkoak dira. Erregai fosiletatik lortutako dirutzak mundu osoan inbertitu dituzte, ordain ekonomiko eta politikoen truke

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...