Ana Beltranek ez du segituko Nafarroako PPko presidente gisa. Erabakia oraindik ez da ofiziala, baina, El País egunkariak aurreratu duenez, Beltranek ez du postuan jarraituko, eta alderdiaren kongresuan ofizial egingo dute erabakia. Kongresua uda baino lehen egitea aurreikusita zegoen, baina oraindik ez du datarik. PPk UPNrekin duen koalizioaren geroa argitzeke dago oraindik, eta litekeena da hori zehaztu arte Nafarroako PPren lema nork hartuko duen ez erabakitzea. El País-ek zabaldu duenez, Beltranen postua Javier Garcia Navarra Sumako parlamentaria eta PPren zuzendaritzako kideak beteko du.
Beltran Nafarroako PPko presidentea da 2017tik. Nafarroako Parlamentuko bozeramaile izan zen 2015 eta 2019 artean; urte horretan Madrilgo diputatu aukeratu zuten Pablo Casadoren zerrendako postu garrantzitsuetako batean.
