Jumbo Visma taldeak eman du albistea, gaur goizean: Primoz Roglicek ez du jarraituko Espainiako Vueltan, atzo erori zela eta. Bigarren zen sailkapen orokorrean, eta azken hiru Vueltak irabaziak zituen txirrindulariak.
🇪🇸 #LaVuelta22
— Team Jumbo-Visma cycling (@JumboVismaRoad) September 7, 2022
Unfortunately, @rogla will not be at the start of stage 17 as a consequence of yesterday’s crash.
Get well soon, champion! Thank you for all the beautiful moments in this Vuelta. You had ambitious plans for the final days, but sadly it isn’t meant to be. 😔ðŸÂ€ pic.twitter.com/C3Vnc8P9EO
«Osatu azkar, txapeldun! Eskerrik asko Vuelta honetan eman dituzun une polit guztiengatik», gaineratu dute sare sozialetan zabalduriko mezuan. «Asmo handiak zenituen azken egunetarako, baina, zoritxarrez, ez da gertatuko».
Roglic esloveniarrak erasoa jo zuen atzoko etapako azken hiru kilometroetan, baina eroriko itsusia izan zuen, Fred Wright (Bahrain) txirrindulariarekin talka egin ostean oreka galduta.
Halere, helmugaratzea lortu zuen, etaparen irabazle Mads Pedersenen denbora berarekin, eta Remco Evenepoel sailkapeneko burua baino zortzi segundo lehenago.