Sexu abusuak

Beste hiru salaketa jarri dituzte Eric Olhatz ikuskatzailearen kontra

Presondegian dago Olhatz maiatzetik: hiru futbolarik haren kontrako salaketa ezarri zuten orduan, haurrak zirela sexu abusuak egin zizkiela eta. Orain, beste hiruk jarri dute salaketa, eta behin-behineko kartzelaldia luzatu diote.

Eric Olhatz artxiboko irudi batea. BERRIA
Oihana Teyseyre Koskarat.
2022ko irailaren 7a
12:51
Entzun

Eric Olhatz futbol ikuskatzailearen kontrako sei salaketa dira, sexu abusuengatik. 59 urteko gizona errekrutatzailea zen Baionako Aviron Bayonnais futbol taldean. Maiatzean, jada, haren kontrako salaketa ezarri zuten hiru futbolari ohik. Izan ere, haurrak zirela sexu abusuak egitea leporatzen diote gizonari. Atxilotua izan zen orduan, eta, behin-behinean kartzelatua; atxilotu zutenean, haurren argazki pornografikoak atzeman zituzten haren telefonoan. Bada, haren kontrako beste hiru salaketa ezarri dituzte orain beste hiru gizonezko futbolarik, arrazoi berengatik. Hala, Olhatzen behin-behineko kartzelaldia luzatzea eskatu du Baionako prokuradoreak, eta erabakia onetsi du epaileak.

Ez da behatzailea salatu duten lehen aldia. 2009ko urrian, Realak Frantzian zuen behatzailea zenean, behin-behinean kanporatu zuen talde txuri-urdinak: adingabeak galbidean jartzeagatik kondenatu zuten. Epaiaren arabera, Olhatzek «sexu eduki desegokia» zuen SMS bat bidali zion ordezkatzen zuen 13 urteko jokalari bati. Hiru hilabeteko kartzela zigorra ezarri zioten, hamar hilabetez adingabeekin lan egitea debekatu zioten, eta jokalariari eta haren gurasoei kalte ordain bat ere ordaindu behar izan zien. Olhatsen defentsak txantxa bat izan zela argudiatu zuen. 2010ean, Paueko auzitegiak errugabetu egin zuen. Realarentzat lanean jarraitu zuen 2018ko uztailera arte. Futbolaren munduan, Olhatz ezaguna da berak deskubritu zuelako Antoine Griezmann Realeko jokalari ohia.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.