Albistea entzun

Aetz Etxart Sarasola. Mauleko pilota batasuneko pilotaria

«‘Frontball’-a osagarri ona da esku huskarendako»

 

Joanes Etxebarria - Iparraldeko Hitza -

2022ko irailak 30 11:30

Artekoetan Frantziako Trinket Txapelketako finala zuen iaz Aetz Etxart Sarasola (Urdiñarbe, 2004) Mauleko pilota batasuneko pilotariak, eta iragan urtean, plazan, Euskal Herriko eta Frantziako txapeldun izan zen, Xabi Negeluarekin. Hazparneko eliteko pilotarien eskolan sartu berri da, eta esku huska izanen da haren lehentasuna “betiko”, dioenez, baina joan den udan plazera hartu zuen Frantziako Frontball Txapelketa jokatuz eta irabaziz, 19 urtez pekoetan.

Nola deskubritu zenuen frontball pilota modalitatea?

Uste dut lehen aldikoz entzun nuela lizeoan nintzelarik, UNSS lizeoen arteko kirol lehiaketan bazela frontball-a hautuetan. Joan ginen Baionako Cassin lizeora, eta hola ezagutu nuen. Arrastiri bat izan zen, gero COVID-19a izan zen, eta ez zuen segidarik ukan. Aurten ikusi nuen Frantziako Txapelketa izanen zela, Mauleko pilota taldean aipatu genuen, eta anitz inskribatu ginen. Hastapenean ez genekien zertara abian ginen; justu jostatu eta gauza berri bat deskubritzeko zen.

Lizeo arteko lehiaketan, beraz, frontball-a hautatzen ahal zen eta esku huska ez?

Hala da; jakin behar da eskuragarriago dela. Ez bazara sekula esku huska aritu izan, gogor da pilota gogor batekin hastea. Norbaitek ez badu sekula pilota bat jo bere bizian, aiseago hasiko da frontball-ean, esku huska baino.

Esku huska ari den batendako, halere, joko gustagarria da?

Plazatik diferentea da, zeren eta plazan haboro aiduru egon behar da; frontball-ean, berriz, behar da anitz atakatu, anitz higitu. Baina esku huskatik hurbil da: ber jestuak eta ber teknikak dira.

Frontball-aren eta esku huskaren artean hautatu behar bazenu?

Beti esku huska. Baina erraten da frontball-a osagarri ona dela esku huskarendako, kardioa lantzen baita.

Munduko Txapelketan sartua da kirola. Zale gisara, berdin segitzen dituzu esku huska eta frontball-a?

Egia erran, batere. Esku huska beti so egin dut, bai Munduko Txapelketa, bai besteak, baina frontball-a ez nuen sekula so egin. 2017an Yoan Hegiabeherek irabazi zuen. Aurten aipatzen da izugarri jokalari onak ariko direla Espainiarendako; ez dakit euskaldunak diren edo ez. Mexikarrak ere azkarrak dira. Esku huska, azken urteetan, Frantziak erreski irabazi du, baina lehenago baziren aurkari gogorrak. Egia da frontball-ean badela borroka haboro. Partez esplikatzen ahal da Frantziako Txapelketan, lehen mailan seniorretan, hamabi jokalari baizik ez zirelako. Mundu osoa ari balitz esku huska, profesionalak ez lirateke hoberenak. Frontball-ean ez da ber heina garatu, baina, ene ustez, diziplina hori garatuko da emeki-emeki. Gazteendako ontsa da, eta egiten ahal denez esku huskaren gehigarri, jende anitz hasiko da. Bestalde, ontsa dena da neskek ere badutela txapelketa, esku huskak ez bezala. Hori xantza bat da, eta gauza on gisara ikusten dut hori ere.

Beraz, parada ukanen duzularik berriz parte hartuko duzu?

Bai, heldu den urtean berriz parte hartuko dut. Ene ustez, bakarrik izan banintz ez nukeen eginen, baina lagun talde bat baikara, goxo da izugarri. Elkarrekin bazkaltzen ginen, eta ohartu ginen pagolarrak ere bazirela han.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Euskal Herriko Unibertsitateko Hezkuntza eta Kirol Fakultateko ikasleak. ©NURIA GONZALEZ

Euskararekin bidea egiten

EHU unibertsitatea

Euskal Herriko Unibertsitateak euskararekin duen konpromisoa berritu du aurrerapen berrien bidez.

Harixa programa barruko hitzarmena sinatu duten entitateetako ordezkariak. ©BERGARAKO UDALA

Euskara lan munduan sustatzen

Bergarako Udala

Bergarako 38 entitatek euskara lan munduan sustatzeko konpromisoa hartu dute, Harixa programako hitzarmena sinatuta.

Aitzol Perez de San Roman Uria eta Aitziber Arnaiz Garmendia. ©OIARTZUNGO UDALA

«Hitanoa indartuz, tokiko euskalkia eta euskara bera indartuko ditugu»

Oiartzungo udala

Oiartzunen, Euskaraldiarekin batera, Hikaldia ere egiten ari dira aurten, hitanoa sustatzeko eta indartzeko asmoz.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...