Albistea entzun

Jaiak

Iruñeko Udalak laguntza kendu dio Alde Zaharreko jai batzordeari

San Fermin Txiki jaietan egindako euskal presoen eskubideen aldeko ekitaldi bat erabili du argudio moduan. Jai batzordeak, hortaz, itzuli egin beharko du jasotako dirua. 5.791 euroko laguntza esleitu zion udalak.

Erraldoiak San Fermin Txiki jaien txupinazoan, iragan ostiralean.
Erraldoiak San Fermin Txiki jaien txupinazoan, iragan ostiralean. Iñigo Uriz / FOKU Tamaina handiagoan ikusi

Berria -

2022ko irailak 30

Iruñeko Alde Zaharreko jai batzordeari 5.791 euroko laguntza emana zion udalak, San Fermin Txiki jaiak antolatzeko, baina diru hori erretiratzea erabaki du orain, egitarauan euskal presoen eskubideen aldeko ekitaldi bat sartzeagatik. Udalaren arabera, diru laguntzen deialdiaren irizpideen kontra egiten du horrek.

Irailaren 22an Merkaderes kalean egin zuten ekitaldi bat erabili du argudiotzat udalak. "Etxerako bidea gertu" izeneko ekitaldia programatu zuen jai batzordeak egun horretarako, baina, udalak adierazi du ekitaldi horretan egingo zutena ez zuten zehaztu udalari laguntza eskatzerakoan. "ETA talde terroristako presoen aldeko ekitaldi bat" izan zen, azkenean, haren arabera. Udalak gaineratu du, ekitaldi hori diru laguntza jasotzeko eskaeran sartu izan balute, ez zuketela onartuko.

Udalak jakinarazi du, halaber, laguntzen banaketa aldatze aldera, deialdiaren irizpideak aldatu dituela. Hala, haren ustez balio jakin batzuk urratzen dituzten ekitaldiak ez dituzte diruz lagunduko; honako hauek, zehazki: "Giza eskubideak eta pertsonen bizikidetza errespetatzen ez dituzten proiektu eta jarduerak", "herritarrentzat iraingarriak izan daitezkeen ikurrak edo elementuak dituztenak", "euren duintasuna urratzen edo indarkeriaren justifikazioa iradoki dezaketenak" eta "politikoki oso markatuak diren alderdi edo elkarteek antolatutako ekitaldiak".

Irizpide horietan oinarrituta, jai batzordeari laguntza kentzea erabaki du udalak. Bere horretan utziko ditu, aldiz, San Fermin Txiki jaietarako banatutako gainerako laguntzak. Udalak laguntza moduan emandako diruaren %75 aurreratua zien elkarteei. Hortaz, jai batzordeak itzuli egin beharko du zati hori: 4.343,83 euro.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Donostiako Renferen geltokia. ©GORKA RUBIO / FOKU

Beste geltoki bat aldiriko trenen transferentziaren lokarria askatzeko

Xabier Martin

Laster egingo dute Gasteizek eta Madrilek aldiriko trenen eskuduntza gerturatuko lukeen bilera
Senpereko herrriko etxeko oposizioak ere dimititu egin du

Senpereko herrriko etxeko oposizioak ere dimititu egin du

Arantxa Iraola

Urrian hautetsi hainbatek utzi zuten kargua, auzapezaren kudeaketa ereduarekin kritiko

Beatriz Artolazabal eta Ramiro Gonzalez, gaur, Gasteizen ©L. Rico / Efe

Gasteizerako proiektu «kontinuista eta berritzailea» gidatuko duela esan du Artolazabalek

Edurne Begiristain

EAJren Arabako Lurralde Batzarrak Arabako hiru barrutietarako hautagaiak berretsi ditu gaur. EH Bilduk oniritzia eman die Arabako zortzi udalerrietako zerrendaburuei, eta Ahal Dugu-k hiriburuetako hautagaiak aurkeztu ditu.

 ©MARISCAL / EFE

«EAJk 40 urtez egin duen politikan dabil EH Bildu orain»

Xabier Martin

Kupoaren bost urterako akordioa da EAJren legegintzaldiko mugarri nagusietako bat, Sagastizabalen arabera. Nafarroako trafiko eskuduntzari ongietorria egin dio.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...