Ertzaintzak gaur goizean jakinarazi duenez, «antza denez ETArena» izandako zulo bat topatu du Aizkorrin (Oñati, Gipuzkoa); zehazki, Arriona zuhaiztian. Poltsa bat zegoen barnean, mota ezberdinetako lau lehergarrirekin, metxa arrastoekin eta Goma motako bi kilo lehergairekin. Ezkutalekuak urteak zeramatzan abandonatuta.
👮👮♂ï¸Â🚔 Localizado en #Aizkorri un “zulo” abandonado, presumiblemente de #ETA
— Ertzaintza (@ertzaintzaEJGV) October 23, 2022
📌 El zulo, localizado en una zona boscosa denominada “Arriona” en #Oñati (Gipuzkoa), contenía diverso material explosivo abandonado en su interior.
👉 https://t.co/KMorZvCYzfpic.twitter.com/kc4xBtBD48
Ertzaintzak uste du zuloa ETArena dela oso urrun zegoelako, heltzea zaila den leku batean: harri tartean zegoen, lurretik bi metrora dagoen barrunbe batean. Harriz estalita zegoen ezkutatutako materiala. Dena den, ikerketa bat zabaldu du Poliziak.
Azaldu duenez, zulo horren aurkikuntza Ertzaintzak etengabe zabalik duen ikerketa prozesuaren emaitza da. Helburua da «argitu gabeko ETAren atentatu bakoitza argitzea», haien arabera.