Andoaingo (Gipuzkoa) Antex Fibres enpresaren lantegian 47 urteko langile bat hil da gaur goizean, makina batek harrapatuta. LAB sindikatuak jakinarazi du lan heriotza, eta aurten Euskal Herrian lanean hil den 64. pertsona dela adierazi dute. Duela bi aste garraiolari batek ere bizia galdu zuen lanean ari zela.
LABek adierazi du «kapitalismoak eragindako» heriotza izan dela, eta doluminak eta elkartasuna adierazi dizkie senideei, lagunei eta lankideei.