Atzo14:00etan Instagram sare soziala arazoak izaten hasi zen mundu osoan, eta milaka erabiltzailek ezustekoa hartu zuten: batzuek salatu zuten beren kontua bertan behera utzi zutela, eta beste batzuek hainbat jarraitzaile galdu zituztela bat-batean. Hiru ordu pasatxo iraun zuen arazoak, eta arratsalde erdirako konpondua zen.
Ikusi gehiago:BERRIAren Instagrameko kontua
Instagram erorita, Twitterren bildu zituzten erabiltzaileek beren kexuak tarte horretan, #instagramdown traolarekin. «Zure kontua bertan behera utzi dugu. 30 egun dauzkazu erabaki horren kontra egiteko» mezua jaso zuten Instagrameko zenbait erabiltzailek. Gainera, mezuan jakinarazten zitzaien erabakia behin-behinekoa izanagatik behin betikoa izan zitekeela.
Erabiltzaileek Instagramekin harremanetan jarri nahi izan zuten, eta horrek Instagramen laguntzarako orria erortzea ekarri zuen, eskaera kopuru handiagatik. 15:15ean Instagramek berak aitortu zuen arazoak zituela. Lehenbailehen konpontzen ahaleginduko zirela esan zuen, eta barkamena eskatu zien erabiltzaileei.
We're aware that some of you are having issues accessing your Instagram account. We're looking into it and apologize for the inconvenience. #instagramdown
— Instagram Comms (@InstagramComms) October 31, 2022
