Albistea entzun

Zinema

'Irati' filmaren barrukoak erakusten hasi da Ramon Agirre aktorea BERRIAn

Film epiko eta fantastikoan lan egin du antzezleak, eta horretan gertaturiko pasadizoen eta bere burutazioen berri emango du, gaurtik aurrera, egunez egun argitaratuko den blog batean

Edu Lartzanguren -

2022ko abenduak 3

Ramon Agirre aktoreak lan egin du Paul Urkijok zuzenduriko Irati filmean, eta grabaketan gertaturiko pasadizoak kontatuko ditu, gaurtik aurrera, BERRIAn, horretarako propio sorturiko Gure Zerak blogean.

Grabazioan kaier bat aldamenean eduki du beti aktoreak, eta horretan idazten joan da gertaturikoak, edo bere buruan ibilitako hausnarketak.

Joan zen astean aurkeztu zuten filma Fantasiazko eta Beldurrezko Zinemaren astean. VIII. mendean eta nafar Pirinioetan gertatzen da istorioa, eta euskal mitologiako pertsonaiak dira protagonistetako batzuk, pertsonaia historikoekin nahastuta. Borroka eszena ugari ditu filmak, eta horrek grabatzerakoan gertaturiko ezusteak eta bestelakoak kontatuko ditu Agirrek, besteak beste.

Apaizarena egiten du Agirrek filmean, eta latinezko esaldiak euskarazkoekin tartekatzen ditu. Urkijoren Errementari filmean Luziferrena egin zuen aktoreak.

Filma urriaren 9an estreinatu Kataluniako Zinema Fantastikoaren Jaialdian, Sitgesen, eta bi sari handi jaso zituen: ikusleen saria eta efektu berezirik onenen saria.

Lehen ere, kaieren bidez kontatu izan ditu Agirrek bere lanean eginikoak eta hausnarturiko. Iazko martxoan, esaterako, La casa de papel telesaileko bosgarren sasoia grabatzen bizitakoen berri eman zuen, orduan ere BERRIAn. Benjamin pertsonaia jokatu zuen Agirrek.

«Idaztea ariketa polita da, eta nire buruan ordena pixka bat egiten laguntzen dit. Gehiagotan egin beharko nuke», esan zuen orduan. Aktore izateaz gain, aritu izan da idazle gisa, batez ere antzerkirako.

Orduko hartan, aktore euskaldunen batetik bestera eginiko lan erromesaldien berri eman zuen, Donostiatik Madrilera eta atzera. «Burutazio eta bihoztazioak» idatzi zituen orduan, esan zuenez.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / @FOKU

«Askotan, baimena eskatzea baino hobe da barkamena eskatzea»

Naroa Torralba Rodriguez

Munduko muralik onenetan hirugarrena Ondarroan dago, Kamiñazpin. Lian Monserrate da egilea, eta gaztetatik ari da gizarte gaiak hormetara eramaten. Memoria ariketa bat egin nahi izan du obra horrekin.
1 ©LABAYRU FUNDAZIOA / EZEZAGUNA

Itsasoko ezkutuko lana

Amaia Jimenez Larrea

Emakumeek itsasoan egindako lanaren balioa aldarrikatzeko, Labayru fundazioak 'Geu be bagara itsasoa' liburua argitaratu du. Zenbait belaunalditako hogei emakumeren testigantzak bildu dituzte.
<em>Irabazi arte</em> telesaileko bigarren denboraldiko aktore gazteak. ©EITB

'Irabazi arte'-ren bigarren denboraldia, ostiraletan ETBn

Urtzi Urkizu

Dorleta Urretabizkaia, Nahia Lacalle eta Joan Bailador dira aktore berriak. Zetak, Bengo eta Bulego taldeen kantak entzungo dira

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...