Gasteizko Udaltzaingoak 45 urteko gizon bat atxilotu zuen atzo, bikotekide ohiari eraso egitea eta aurpegian zauri bat egitea leporatuta. Atzo goizean gertatu zen erasoa, bizi diren etxean.
Udaltzaingoa emakumearen deia jaso bezain laster joan zen erasoa gertatutako tokira, eta agenteek deklarazioa hartu zieten biei. Gizona atxilotzea erabaki zuten azkenean, indarkeria matxista egotzita.