Alegian (Gipuzkoa) atez ateko bilketa egiten da 2013. urteaz geroztik, baina sistema hori bertan behera utziko du udalak, herritarren artean galdeketa bat egin ondoren. Atzo eta gaur artean edukiontzien, atez ateko bilketaren eta sistema misto baten artean bozkatu dute herritarrek, eta, udalak jakinarazi duenez, 356 bozkekin gailendu da edukiontzien sistema. 182k atez atekoari eustearen alde egin dute, eta 31k mistoaren alde. Horren bestez, Tolosaldean atez ateko sistemari eusten zion udalerri bakarrak bazterrean utziko du zaborra kudeatzeko sistema hori.
Aurtengo otsailean zaborra biltzeko sistemaren inguruko galdeketa sustatzen hasi zen Aurrera Alegia udal taldea, eta galdeta hori loteslea izan da, azkenerako. 1.700 biztanle ditu Alegiak.
