Albistea entzun

Reala 1-1 Valentzia

Neurketa ia osoa bat gutxiagorekin jokatu arren, Realak berdindu egin du Valentziaren aurka

Txuri-urdinek hamargarren minutuan hartu dute aurrea, baina Aritz Elustondok 17.ean ikusitako txartel gorriak baldintzatu du partida. Linok 25. minutuan berdindu du.

Martinez Munuera Elustondori txartel gorria erakusten. 17. minutua zen.
Martinez Munuera Elustondori txartel gorria erakusten. 17. minutua zen. Javier Etxezarreta / EFE Tamaina handiagoan ikusi

Paulo Ostolaza -

2022ko azaroak 6 09:15

Realari bukatzen ari zaio gasolina. Azken asteetan sekulako maratoia egiten ari da Imanol Alguacilen taldea, eta lesioek eta nekeak ez dute barkatzen. Gaur, gainera, ezusteko zailtasun bati egin behar izan diote aurre txuri-urdinek: partida ia osoa jokalari bat gutxiagorekin jokatu dute. Horri ere, ordea, duin egin dio aurre Realak.

1-1 berdindu dute Valentziaren aurka. Hamaikakoak aldaketa batzuk egin ditu Alguacilek, eta berrikuntza nagusia Asier Illarramendi izan da. Mutrikuarrak berak egin du golaren jokaldia: areatik gertu irrist egin du Thierryk, baloia ostu dio Illarrak, eta hark areara bidali duen pasea Hugo Guillamonek desbideratu du sarera. Hamargarren minutua zen.

Gutxi geroago iritsi da, ordea, partida erabat baldintzatu duen jokaldia. Baloi baten lehian, Aritz Elustondok Samu Linoren orkatila zapaldu du. Hasieran txartel horia erakutsi dio Munuera Montero epaileak, baina VAR-ean jokaldia ikusi eta gero, aldageletara bidali du Beasaingoa. Anoetan elkartu diren zaleen txistuak entzun ditu epaileak.

Hortik aurrera, gidoia aldatu egin da: Valentzia egin da baloiaren jabe, eta kontraerasoan bere aukerak baliatzen saiatu da Reala. Bisitariek azkar sartu dute gola: area ertzetik errematatu du Linok, eta, bi jokalariren hanken artetik pasatu eta gero, sarean amaitu du baloiak.

Atsedenaldian aldaketak egin ditu Alguacilek. Magunazelaia, Gorosabel eta Pacheco sartu ditu; horrela, hiru atzelarirekin eta bi albokorekin jokatu du Realak. Ez zaio gaizki atera apustua: Sorlothek izan du bigarren zatiko aukerarik onena, Magunazelaia eta Merinoren arteko jokaldi zoragarri baten ostean. Dena alde zuela, zutoinera bidali du baloia norvegiarrak.

Azkenean, 1-1, berdinketa, eta puntu bat gehiago sailkapen nagusirako. Reala seigarren postuan da, 23 punturekin. Asteazkenean amaituko dute maratoia txuri-urdinek, Sevillaren aurkako norgehiagokarekin.

Reala: Remiro; Elustondo, Zubeldia, Le Normand, Rico; Zubimendi, Illarra (Pacheco, 45'), Merino (Gebara, 82'), Brais Mendez (Gorosabel, 45'); Carlos Fernandez (Magunazelaia, 45') eta Sorloth.

Valentzia: Mamardaxbili; Correia, Paulista (Cenk, 29'), Comert, Gaya; Guillamon (Nico, 62'), Musah (Foulquier, 75'), Almeida; Kluivert (Castillejo, 75'), Lino eta Marcos Andre (Duro, 62').

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAGOBA MANTEROLA / FOKU

«Gozatzen dudalako jokatu izan dut beti, ez markak ezartzeko»

Beñat Mujika Telleria

Maria Españak urte asko daramatza Espainiako ligarik onenetan aritzen, eta kirol heldutasun betean dago. Bikain ari da denboraldi honetan. Kantxan erakusten duen lidergo bera erakusten du handik kanpo ere.
Iñaki Williams baloiarekin, denboraldi honetan San Mamesen Atletico Madrilen aurka jokatutako partidan. ©ARITZ LOIOLA / FOKU

Hutsune handia utzi du Williamsek

Haritz Gallastegi

Iñaki Williamsek marka ezarri du ligan: 251 partida jokatu ditu. Zelaian ari denean kritikatu egiten dute; ez dagoenean, aldiz, sumatu egiten da haren falta.

Eibarrek eta Alavesek lehen itzulian Ipuruan jokatutako derbiaren jokaldi bat. ©JAIZKI FONTANEDA / FOKU

Biak gora begira daude

Iñigo Lasa Fresneda

Alavesek eta Eibarrek sasoi onean jokatuko dute derbia larunbatean, Mendizorrotzan; bi taldeak goiko postuetan daude. Txema Añibarrok argi du: «Intentsitate eta parekotasun handiko partida izango da».

Osasunaren jarraitzaileak Sevillaren aurkako Kopako partidan. ©Jesús Diges, Efe

Indar Gorriko sei kide atxilotu dituzte Iruñean, borrokaldi batean parte hartu izana egotzita

Berria

Espainiako Poliziak 64 lagun atxilotu ditu guztira, azaroaren 27an Burgos eta Zaragoza taldeen arteko partidaren aurretik Burgosko El Plantio zelaiaren inguruan izandako borrokaldian parte hartzea leporatuta. Tartean daude Indar Gorriko sei jarraitzaile horiek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...