Herritar batek ikusi, eta abisua eman du: gorpu bat zegoen gaur goizean Bilboko itsasadarrean flotatzen. Portugalete (Bizkaia) parean ikusi dute.
Bizkaiko suhiltzaileek 08:00ak aldera eman dute abisuaren berri, eta gorpua erreskatatzera abiatu direla adierazi dute.
Eusko Jaurlaritzako Segurtasun Sailak ikerketa zabaldu du. Adierazi dutenez, atzo Santurtzin desagerturiko 82 urteko gizonezkoa da.