Albistea entzun

ATLETISMOA

Ia 30.000 lagunek eman dute izena Behobia-Donostian

Igandean jokatuko dute Euskal Herriko lasterketarik jendetsuenaren 57. ekitaldia. 29.732 lagunek eman dute izena, eta, proportzioan, inoiz baino gehiago dira emakumezkoak: %28,81

Korrikalariak, iazko ekitaldian.
Korrikalariak, iazko ekitaldian. Gorka Rubio / Foku Tamaina handiagoan ikusi

Julen Etxeberria -

2022ko azaroak 8

Gozatu da aurtengo Behobia-Donostia herri lasterketaren leloa. Eta asmo horrekin ariko dira milaka eta milaka korrikalari igande goizean: Euskal Herriko lasterketarik jendetsuenaren 57. ekitaldian hartuko dute parte.

Jendetsua izango da aurtengoa ere. Probaren antolatzaile Fortuna kirol elkarteak jakinarazi duenez, ia 30.000 lagunek eman dute izena; 29.732k, hain zuzen ere. Iaz baino ia lau mila gehiago dira; iaz, 25.802k eman zuten izena. Koronabirusaren pandemian jokatutako lehen ekitaldia izan zen, eta horrek eragina izan zuen jende gutxiagok izena eman zezan. Aurten, ordea, osasun egoera askoz hobea denez, kopuruak gora egin du maila guztietan. Muga 30.000 lagunetan dagoenez, berriro dago itxaron zerrenda.

Gizonezkoak dira gehienak berriro: 21.166 (%71,19). Emakumezkoak, berriz, 8.566 dira (%28,81). Halere, gutxigatik ez da inoizko emakumezkoen kopururik handiena; 2019an, 38 gehiagok eman zuten izena. Baina proportzioan, inoiz baino gehiago dira, 2019an %25,77 izan baitziren. Antolatzaileak «oso pozik» daude, haien helburua baita gizonen eta emakumezkoen kopurua parekatzea.

Azken urteetako ohiturari jarraituz, Euskal Herritik kanpokoak dira parte hartzaile gehienak. Espainiakoak (9.387) eta Herrialde Katalanetakoak (7.915) nabarmentzen dira. Hego Euskal Herrikoak, berriz, 9.320 dira —ez dago Ipar Euskal Herrikoen daturik—. Horiez gain, hainbat herrialdetako korrikalariak ariko dira. Antolatzaileen ustez, horrek esan nahi du probak «ospe oso ona» duela.

Lasterketaren ibilbidea azken urteetako bera da: hogei kilometro ditu; Behobian hasiko da, eta Donostiako Bulebarrean amaituko da. Ordutegiak ere iazko berberak dira: esku bizikletakoak irtengo dira lehenbizi, 09:30ean. 66 ariko dira, 26 gidek lagunduta; eta 09:35ean, patinatzaileen txanda izango da. 154 lehiatuko dira.

Silvestre, Latxgar...

Korrikalariei dagokienez, emakumeen proba 09:55ean hasiko da, eta gizonena, 10:00etan. Aurrenekoan, Elena Silvestre eta Mireia Guarner nabarmentzen dira: bigarren eta hirugarren izan ziren iaz —ez da ariko iazko irabazlea: Nuria Lugueros—. Gizonezkoetan, berriz, iazko irabazleak hartuko du parte: Eneko Agirrezabalek. Baina ez da garaipenaren lehian ibiliko. Lesioa izan du, eta, horren ondorioz, geldirik egon da hiru astez. Entrenamendu moduan hartuko du proba, sasoiko jartzeko. 2019ko irabazlea ere ariko da, Txakib Latxgar. Sasoiko dago: Hiru Hondartzetako Krosa, Donostiako 15 Kilometroko Klasikoa eta Euskal Herriko Kros Txapelketa irabazi ditu. Behobia-Donostian lehiatu bezperan Atapuercako (Espainia) krosean ariko da. Jesus Olmos espainiarra ere aurrean ibiliko da: iaz, bigarren izan zen.

Bezperan, Behobia Txikia izango da, Anoetako estadio txikian, 15:00etatik aurrera. 4 eta 13 urte arteko 2.000 haur eta gaztek egingo dute korrika.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Frantziako eta Irlandako selekzioetako jokalariak, lehian, iaz bi taldeek Parisen jokatutako partidan. ©MOHAMMED BADRA / EFE

Biren arteko lehia

Iñaki Berastegi

Gaur hasiko da Sei Nazioen Torneoa, eta Frantzia eta Irlanda dira hura irabazteko faboritoak. Irailean Frantzian jokatuko den Munduko Txapelketari begira daude selekzioak
 ©Jagoba Manterola-Julio Muñoz / foku-efe

Esku onetan egotearen patxada

Eñaut Agirrebengoa

Berme osoko bi atezain ditu Osasunak: Aitor Fernandez eta Sergio Herrera. Bata finko bihurtu da ligan, eta bestea ikusgarri dabil Kopan. Haien arteko lehia «taldearentzat mesede» dela dio Asier Riesgok

Osasunak arretari eutsi nahi dio, eta Espanyoli etxetik kanpo irabazi

E. Agirrebengoa

Kopaz ahaztu eta ligan bide onera itzultzen saiatuko dira gaur nafarrak. Aimar ez dago jokatzeko moduan, ezta Vidal eta Peña ere
Sancet gola ospatzen ©Marisol Ramirez / FOKU

Sanceten hiru gol, eta Athleticek hiru puntu

Beñat Mujika Telleria

Nafarrak hat trick bat egin du Cadizen aurka, eta Athleticek amaiera jarri dio Ligako bolada txarrari. Yeray-k egin du zuri-gorrien beste gola, eta Escalantek Cadizena.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...