Albistea entzun

Lan gatazkak

Bizkaiko metalgintza, beste greba baterako bidean

FVEMek bere eskaintzan eginiko hobekuntzak ez dira nahikoa izan lan hitzarmenaren korapiloa askatzeko. Langileen ordezkariek ez dute indargabetu azaroaren 28ko asterako greba deialdia

Bizkaiko metalgintzako grebalari talde bat iragan astean eginiko manifestazioetako batean.
Bizkaiko metalgintzako grebalari talde bat iragan astean eginiko manifestazioetako batean. Marisol Ramirez / FOKU Tamaina handiagoan ikusi

Imanol Magro Eizmendi -

2022ko azaroak 8 09:28

Bizkaiko metalgintza greba dinamika berri baterako bidean da. Sindikatuetako ordezkariek eta FVEM patronalak lan hitzarmena berritzeko negoziazioaren hamabosgarren bilera egin dute gaur, eta ez da akordiorik izan. Patronalak soldata eguneraketari dagozkion bi aldaketa egin ditu: 2025eko soldata igoera %1etik %2ra handitu du, eta 2026an egiteko prest dagoen soldaten berrikuspenaren muga %3ra igo du. Doikuntza horiek tauletan egingo lirateke, ez soldatetan.

Eskaintza horiek ez dituzte gogobete sindikatuak, eta, oraingoz, indarrean dago azaroaren 28tik abenduaren 2ra arteko greba deialdia. Bi aldeak hilaren 15ean bilduko dira berriz.

Iragan asteko grebaren ondoren, ikusmin handia sortu du gaurko bilerak. FVEMen erreakzioa zein izango zen ikusteko zegoen, eta negoziazioan aurrerapauso bat egon zitekeela espero zen. Bilera, baina, ez da ordubetera iritsi.

CCOOk, LABek eta UGTk (ordezkaritzaren %59,5 dute) bihar egingo dute beren analisia, baina hedabideetara bidalitako ohar batean zehaztu dute ez direla lortu «espero zituzten emaitzak».

ELA (ordezkaritzaren %40,5), berriz, argigarriagoa izan da: «Patronalak apenas aurkeztu duen negoziazioa desblokeatzeko hobekuntzarik». ELAk berretsi zuen ez duela baztertzen greba mugagabea deitzea.

FVEM: beste itunetatik oso gertu

FVEMek bileraren bestelako analisia egin du. Patronalak azaldu du eskaintza berriarekin %16rainoko soldata igoerak eskaini dituela —2022an, %6,5; 2023an, %2,5; 2024an, %2; 2025ean, %2; eta beste %3 2026an, baldin eta urte horietako KPIa %13tik gorakoa balitz—, eta «beste herrialde batzuetan sindikatuen gehiengoarekin onartu diren eskaintzetatik oso gertu» dagoela.

Patronalaren arabera, edozein mugimendu egin ahal izateko, sindikatuek bere eskaera batzuk kentzera behartzen dute FVEM, eta hori «xantaia» da, «enpresetako hauteskunde kanpainetara begira eginikoa».

Lan hitzarmena negoziatzeko garaian, soldatak izan ohi dira gatazka handiena, baina kasu honetan pisu handiko beste auzi batzuk daude. Sindikatuek, esaterako, aldi baterako lan enpresen erabilera murriztu nahi dute, eta subrogazio eskubidea azpikontrata askotara zabaldu. Enpresariek, berriz, uste dute baldintza horiek murriztu egiten dutela beren erabaki ahalmena. Bizkaiko metalgintza itunak 52.000 langileri eragiten die, eta Euskal Herrian gehien zabalduta dagoena da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

LABek  elkarretaratzea egin zuen azaroan, Adegiren egoitzaren atarian. ©Jon Urbe / Foku

Lehen bilera Gipuzkoako metalgintzan

Irune Lasa

Sindikatuek langileen erosahalmena bermatzeko adinako soldata igoerak nahi dituzte.

Manifestariak Baionako portua blokeatzen, Tarnosen. ©Patxi Beltzaiz

Baionako portuaren sarrera bat blokeatu dute, erretreten erreforma salatzeko

Iker Aranburu

Proiektua astelehenean iritsiko da Frantziako Asanbleara, eta, asteartean, bigarren mobilizazio eguna izango da haren aurka.

Urteko azken hiruhilekoan 9.000 lanpostu galdu dira Hego Euskal Herrian

Urteko azken hiruhilekoan 9.000 lanpostu galdu dira Hego Euskal Herrian

Jokin Sagarzazu

Bereziki zerbitzuen sektorean nabaritu da: 22.700 langile gutxiago daude. Industriak eta eraikuntzak eutsi egin diote, eta enplegua sortzen jarraitu dute.

Cristina Cifuentes, gaur, epaitegira bidean. / ©Javier Lizon, EFE

Eroskik 30.000 euro ordaindu beharko dizkio Cristina Cifuentesi

Jon Ordoñez Garmendia

Madrilgo Auzitegiak murriztu egin du Datuen Babeserako Agentziak baimenik gabe bideo bat zabaltzeagtik ezarri zuen 150.000 euroko isuna.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...