Albistea entzun

Lan gatazkak

Negoziazioak «blokeatzea» egotzi diote Ibermaticako zuzendaritzari

Bigarren greba eguna egin dute gaur informatika enpresa horretan, eta ostegunean dute hirugarrena.

Ibermaticako langileak, Eusko Jaurlaritzaren aurrean, protestan.
Ibermaticako langileak, Eusko Jaurlaritzaren aurrean, protestan. Tamaina handiagoan ikusi

Jokin Sagarzazu -

2022ko azaroak 8

Ibermatican bigarren greba eguna egin dute gaur, eta etzi ere egingo dituzte lanuzteak, biharko bileran zuzendaritzak bere jarrera zeharo aldatzen ez badu.

Astelehenean bildu ziren azkenekoz, eta, sindikatuek berretsi dutenez, bilera batetik bestera «are eskaintza okerragoak» aurkezten ari da. Hau da azkeneko proposamena: aurten, %3ko ordainsari bat ematea urtean 27.000 euro baino gutxiagoko soldatetan, eta %1ekoa besteetan; eta 2023. urterako, soldatak %4 eta %3,2 igotzea, hurrenez hurren. 2024 eta 2025ekoak, berriz, hurrengo urteko irailean negoziatu beharko lituzkete, enpresaren jabe berriarekin.

Sindikatuen arabera, «onartezina» da eskaintza, eta salatu dute zuzendaritzak ez duela hori hobetzeko asmorik eta negoziazioak amaitutzat emateko «mehatxua» egin diela.

Euskal Herritik kanpo

Informazioen teknologietako euskal enpresarik handiena da Ibermatica, eta urte hasieratik ari dira negoziatzen lan hitzarmen berria, baina gertakari batek elkarrizketak baldintzatu ditu: ekainean, Sevillako (Espainia) Ayesa taldeak konpainia erosteko akordioa erdietsi zuen oraingo jabeekin: Madrilgo Pro A Capital arrisku kapitaleko funtsarekin (%55), ONCErekin (%14) eta Kutxabankekin (%11). «Ibermaticaren zuzendaritzaren arabera, gure egoera ez zen ezer aldatuko salmentarekin. Baina orain Ayesak duen kontsultoria hitzarmenera pasatuko garen mehatxua egin digu», salatu dute sindikatuek gaur, ONCEren Bilboko erakinaren aurrean eginiko elkarretaratzean.

Ibematicak Donostian du egoitza, eta bulegoak ditu Zamudion eta Gasteizen. Guztira 1.800 langile ditu Euskal Herrian, baina gehiago ditu kanpoan —4.000 inguru guztira—. Zentro guztiak ordezkatzen dituen batzorde bat ari da zuzendaritzarekin negoziatzen, eta hor CCOO eta UGT sindikatuek dute gehiengoa.

Aurreko astean, proposamen hau igorri zioten zuzendaritzari: aurten, %3ko soldata igoera 27.000 euro baino gutxiagoko soldatetan eta %,2,3ekoa besteetan; 2023rako, %4ko eta %3,2ko igoerak, hurrenez hurren. Eta 2024 eta 2025erako, %4ko igoera lantalde osoarentzat. ELAren iritzian, ez da nahikoa; KPIak izan beharko luke marra gorria.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©Guillaume Fauveau

Mobilizazioa iraunarazi eta gogortu nahi dute sindikatuek

Ekhi Erremundegi Beloki

Milaka pertsona elkartu dira Baionan erretreten erreformaren kontra. Larunbatekoa mobilizazio «erraldoia» izatea espero dute.

Federico Lopez, Jose Luis Zubeldia, Juan Mari Perez, Bittor Eskisabel eta Jose Mari Lazkano. ©RAUL BOGAJO / FOKU

«Gure dirua eskatzen dugu; iruzur egin digute»

Maddi Iztueta Olano

Geroako Kaltetuak plataformako kideek estatutua aldatzea eta horren berri ez ematea egozten diete zuzendariei eta sindikatuei. Helburu argia dute: euren dirua, nahi duten eran, berreskuratzea.

Tecnalia enpresaren makina bat, iazko azoka batean. ©Oskar Matxin / FOKU

Gipuzkoako esportazioek 10.000 milioi euro gaindituko dituzte aurten

Iñaut Matauko Rada

2023a «ziurgabetasun urtea» izango dela aurreikusten du Bazkundeak, baina Gipuzkoako enpresak prest daudela adierazi dute.

Grebara deitu duten sindikatuetako ordezkariak, atzo, Iruñeko Kondestablearen jauregian. ©IÑIGO URIZ / FOKU

Nafarroako langile publikoak grebara deitu dituzte hilaren 15erako

Itsaso Jauregi

ELA, LAB, UGT, CCOO eta Steilasen arabera, gobernuak ez du negoziatzeko borondaterik izan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...