Maltzaga (Eibar, Gipuzkoa) eta Bergara (Gipuzkoa) artean dagoen Lesarriko tuneleko sabaiaren estaldura erori egin zen atzo arratsaldean, AP-1 autobidean. Luiziak ez zuen autorik harrapatu, baina hiru autok elkar jo zuten. Gainera, hiru pertsona zauritu ziren, baina ez zituzten ospitalera eraman behar izan. Aintzane Oiarbide Bide Azpiegituretako Foru Diputatuak gaur goizean adierazi duenez, astelehenera arte egonen da tunela itxita, baina, bitartean, alboko tunelean bide bat jarri dute noranzko bakoitzean. Oiarbidek erran du behin-behineko bideak «ongi» funtzionatzen duela orain arte, eta ez dagoela auto ilararik.
Ertzaintzak trafikoa gelditu behar izan zuen Gasteizerako noranzkoan hiru orduz, ingurabide bat ireki zuten arte: Gasteizera zihoazenek Eibarren (Gipuzkoa) autobidetik irten behar zuten, Bergarara (Gipuzkoa) GI-627 errepidetik joan, eta herri horretan berriz ere autobidera sartu. Bitartean, Bidegiko teknikariak gertatutakoa aztertzen hasi ziren, eta errepidea garbitzeko lanei ere ekin zieten. Oiarbidek adierazi duenez, teknikoak jada lanean ari dira gertatutakoa konpontzeko.
🚨🆘Lesarriko tunela (AP-1 Bergara)@MarkelOlano@a_oiarbide@BIDEGI_eus noiz arte!!!
— Zerbitzu Ustela (@zerbitzuustela) November 10, 2022
âÂÂŒ Azpikontrataziorik Ez!!
🆘Zerbitzu prekariorik Ez!!
💰Iruzurrik Ez!!
âš ï¸Ã‚ Segurtasuna bermatu!!
@Gipuzkoa#Gipuzkoa@naiz_info@berria@irutxulo@eitbAlbisteak@diariovasco@NotGippic.twitter.com/QLheuKhEjP
Bigarren aldia
Atzokoa ez zen Lesarriko tunela erortzen zen lehenbiziko aldia, orain dela zortzi urte ere erori egin baitzen. Lur jausi baten ondorioz, tunelaren estalduraren bost metro erori ziren, baina ez zuen auto bakar bat ere harrapatu, eta ez zen zauriturik egon.
