Guraso bakarreko familiek lanaldia egokitzeko eskubidea dutela ebatzi du Gasteizko auzitegi batek, ELAk jakinarazi duenez. Lanaldia goizeko txandara egokitzeko eskubidea aitortu dio guraso bakar horri, nahiz eta semeak 12 urtetik gora izan. ELAren arabera, aurrekari bat ezartzen du epai honek, Gasteizko Correoseko langilearen aldeko ebazpenak beste enpresa batzuetan ere eragin dezakeelakoan.
Bi semeekin osatutako familia horretako guraso bakarrak arratsaldeko lanaldia zuen. Emakumeak goizeko txandara aldatzeko eskatu zuen, semeak zaintzeko. Enpresak ukatu egin zion eskaera, semeetako batek 12 urte baino gehiago dituelako. ELAk auzitara eman du gaia, eta epaileak arrazoi eman dio. Epaitegiak ezartzen du ez dela garrantzitsua semeetako batek 12 urte baino gehiago izatea, anaia adingabea duelako, eta egiturazko lanpostu huts ugari daudelako, eta lanpostu horiei ama eslei dakiokeelako. Correosek ezin du helegiterik jarri, eta behartuta dago langile hori txandaz aldatzera.
