Eskuak obretara itsastea, artelanetara tomate zukua jaurtitzea... eta, oraingoan, irina. Milanen (Italia) gertatu da talde aktibisten protesta egiteko azken saiakera. Zenbait pertsonak zortzi kilo irin bota dituzte Andy Warhol artistak diseinatutako auto batera.
Andy Warhol: La Pubblicita Della Forma erakusketan izan da, hain zuzen, Milaneko Fabbrica del Vaporen. Warholek apaindutako BMW markako autoa erakusketako pieza nagusietako bat da. Autoa irinez estali ostean, alboan eseri dira aktibistak; gero, arrastaka atera dituzte batzuk, bideoan ikusten den bezala.
#Milano, blitz ambientalista: 8 kg di farina sulla macchina di #AndyWarholpic.twitter.com/1UC7bIySmC
— AGTW (@AGTW_it) November 18, 2022
Milanekoa ez da lehen aldia aktibistek Warholen obra baliatu dutena. Joan den astean, Canberran, bi emakumek Campbell zopa lata famatuen erreprodukzioak margotu eta obrara itsatsi zituzten eskuak.
Two female climate protesters glued themselves to Andy Warhol's ‘Campbell's Soup I’ on display at the national gallery in Canberra, Australia, after scrawling across the work https://t.co/4armn3yLJOpic.twitter.com/BDNRiU0IQ0
— Reuters (@Reuters) November 10, 2022
Maiatzaren 30ean hasi ziren halako ekintzak, eta munduko hainbat museotan aktibista andanak protesta egin dute klima larrialdiaren aurka. Italian, kasurako: Ultima Generazione taldeko bi kidek euren eskuak itsatsi zituzten Botticelliren Udaberria lanera.