Albistea entzun

LAN GATAZKAK

Bertan behera utzi dituzte Lidl eta BM supermerkatuetako grebak

Langraiz Okako (Araba) Lidlen bloke logistikoan hitzarmen berria adostu dute, eta soldaten %20ko igoera lortu. BMn gaur ziren greba hastekoak, baina asteburuan lortutako «aurrerapenen» ostean, deialdia utzi dute.

LIDLeko langileak, greban.
LIDLeko langileak, greban. ELA Sidikatua Tamaina handiagoan ikusi

Iñaut Matauko Rada -

2022ko abenduak 5

ELAk bi greba deialdi bertan behera utzi dituela adierazi du gaur goizean, supermerkatu kateetan biak. BM supermerkatu kateko langileek gaur hasi behar zuten greba, baina asteburuan egindako bileretan «aurrerapenak» egon direnez, sindikatuak deialdia uztea erabaki du. Soldaten %16rainoko igoerak oinarrizko soldatari aplikatzea eta antzinatasuna ezartzea lortu dute, baita arrakasta osagarrien proposamena erretiratzea ere. Bestalde, igoerak proportzionalak izango dira, lan kategoria bakoitzari lotutakoak alegia.

Gaueko txandan jarduten duten langileei dagokienez, gaueko lanaren gehigarria handitzea ere lortu dute. Akordioa indarrean egon bitartean, KPIa negatiboa edo zero bada, KPIaren %1 bermatzea lortu dute.

Langraiz Okako Lidl supermerkatu katearen bloke logistikoan ere akordioa lortu dute hitzarmena berritzeko, eta egiten ari ziren greba mugagabea bertan behera uztea erabaki dute; azaroaren 29tik zeuden greban. Enpresa batzordeko ordezkari guztiek —ELAko hiru, CCOOko hiru eta beste hiru ordezkari independente— onartu dute akordioa. Soldatak %20 edo gehiago igotzea lortu dute, eta KPIak ehuneko hori gaindituz gero, gehiago igoko dituzte. Bestalde, aldi baterako kontratuekin jarduten zuten 60 langile finkatzea ere lortu dute. Urteko lanaldian opor egun bat gehitzea ere lortu dute.

Arrain sektorean ere bai

Gipuzkoako arrain eta itsaskien handizkako sektoreko greba ere bertan behera utzi dute gaur. LABen arabera, Mapesgi patronala sindikatuekin harremanetan jarri zen atzo, gaur arratsaldean bilera bat egiteko. Patronalak adierazi die prest dagoela sindikatuen proposamenen inguruan eztabaidatzeko eta neurri batzuk onartzeko: horregatik utzi dute greba bertan behera. Hilaren lehenean egin zuten lehen greba eguna, eta gaur zuten bigarrena; hirugarrena, berriz, asteazkenean ziren egitekoak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

URAK EZ DARAMATZAN ARAUAK

Imanol Magro Eizmendi

Kontrolatu al daiteke langileek komunean pasatzen duten denbora? Tarte hori atsedena da, edo lan denbora? Legezkoa al da baimena eskatu behar izatea? Legeak laneko komunerako bueltak nola arautzen dituen aztertu dute zenbait adituk, eta horrekin lotutako auziak eta lan gatazkak azaldu.

LABen elkarretaratzea Donostian, lan ikuskaritzak salatutako tabernaren aurrean ©Gotzon Aranburu (Foku)

Ostalaritzako «lan esplotazioa» salatu du LABek

Berria

Sindikatuak elkarretaratze bat egingo du Donostian atxilotutako enpresaburuen jatetxe baten aurrean.

Robert Habeck Alemaniako Ekonomia ministroa, iragan astean. ©FILIP SINGER / EFE
LABeko kideak, Sernaren atarian. ©LAB

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.