Albistea entzun

Indonesia

Indonesiak urtebeteko espetxearekin zigortuko ditu ezkontzatik kanpoko sexu harremanak

Parlamentuak zigor kodea moldatzea onartu du gaur. Erreformaren bidez, debekatu egin du apostasia, agintariak iraintzea eta aurrez abisurik eman gabe protesta egitea.

Indonesiako zigor kodearen erreformaren kontrako protesta bat, atzo, herrialdeko parlamentuaren parean, Yakartan.
Indonesiako zigor kodearen erreformaren kontrako protesta bat, atzo, herrialdeko parlamentuaren parean, Yakartan. MAST IRHAM/EFE Tamaina handiagoan ikusi

Gorka Berasategi Otamendi -

2022ko abenduak 6

Indonesiak giza eskubideak murriztuko dituen erabakia hartu du gaur, zigor kodearen erreforma onartuta. Zehazki, sexu, erlijio eta adierazpen askatasunak murriztu ditu, debekua ezarri baitie ezkontzatik kanpoko sexu harremanei, apostasiari, agintariak iraintzeari eta aurrez abisurik gabe protesta egiteari.

Parlamentuak onartu duen lege aldaketak protesta ugari eragin ditu munduan musulman gehien biltzen dituen herrialdean. Erreforma gauzatzeko lehen saiakera izan zenetik, 2019 urtetik, manifestazio ugari izan dira. Protesta jendetsuek neurria alboratzera behartu zuten gobernua. Alderdi politiko guztien babesarekin onartu du gaur parlamentuak.

Gizarte zibileko elkarte ugarik neurri «antidemokratikoa» dela salatu dute. Erreformaren kontrako sektore batzuek salatu dute gobernua Indonesia «islamizatzeko» ahaleginean ari dela, eta Suhartoren diktadura garaira (1967-1998) itzuli nahi izatea egotzi diote.

Zigor kodean ezarriko diren aldaketen artean kritikatuenetako bat da ezkontzatik kanpoko sexu harremanak debekatuko dituena. Urtebetera arteko espetxe zigorra jaso ahal izango dute debeku hori urratzeagatik kondenatutakoek. Legez kanpokotzat joko du ezkondu gabeko bikoteak elkarrekin bizitzea ere. Presidentea iraintzeagatik errudun jotakoek, berriz, hiru urtera arteko espetxe zigorra jasoko dute. Bost urtera artekoa apostasiagatik zigortutakoek, eta sei hilabetera artekoa aurrez abisurik eman gabe protesta baketsu batean parte hartzen dutenek.

Parlamentuak erreformari bide eman dion arren, ez da indarrean sartuko oraindik. Aldaketak hiru urteko epea aurreikusi du araudia garatu eta hura ezartzeko. Dena den, erabakia herrialdeko Auzitegi Konstituzionalaren aurrean salatzeko aukera ere izango da. Hala eginez gero, auzitegiak urtebeteko edo bi urteko epean erabakitzea espero da, baina moldaketarekin kritiko agertu diren ahotsek ez dute epaileen laguntzarik jasotzeko esperantza handirik, gobernuaren eta auzitegiaren artean lotura estua dagoela uste baitute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ponsati Generalitateko kontseilari ohia, Puigdemont presidente ohia, Puig kontseilari ohia eta Boye abokatua, atzo, Bruselan. ©LEO RODRIGUEZ / EFE

Erbesteratu katalanak Espainiaratzea baztertzeko irizpideak, zehaztuta

Gorka Berasategi Otamendi

EBko Justizia Auzitegiak ebatzi du Belgikak Espainiako justiziaren «gabezia sistemiko bat» frogatu behar duela haren euroagindu bat baztertzeko. Ez da guztiz lerratu, ez independentistekin, ez Llarenarekin
AEBetako gerra abioi batzuk, Ozeano Atlantikoko hegazkinontzi batean. ©STEPHANIE LECOCQ / EFE

Ukrainara gerra abioiak bidaltzearen aurka agertu da, oro har, Mendebaldea

Igor Susaeta

Borrokarako hegazkinak Kievi entregatzea aztergai dute, baina aliatuek ez dute jarrera bateraturik. AEBek eta Berlinek ezetz esan dute
Carles Puigdemont (erdian) Luxenburgoko auzitegiaren epaia baloratzen, gaur, Europako Parlamentuan, inguruan Clara Ponsati, Gonzalo Boye, Lluis Puig eta Toni Comin dituela. ©Berria

Erbesteratu katalanek ezingo dituzte Belgikaren argudioak erabili Llarenaren euroaginduak baztertzeko

Gorka Berasategi Otamendi

Europako Batasuneko Justizia Auzitegiak ebatzi duenez, batasuneko estatu kide batek ezin dio uko egin beste kide baten euroagindu bati, frogatu ezean azken horrek sistematikoki urratzen dituela eskubideak.

AEBetako F-16 hegazkin batzuk ariketa militarrak egiten Hego Korean ©EFE

Ukrainara gerra abioiak bidaltzearen aurka agertu da, oro har, Mendebaldea

Igor Susaeta

Auzia mahai gainean dago, baina Mendebaldeak ez du jarrera bateraturik. Macronen arabera, hainbat aldagai hartu beharko lirateke kontuan borrokarako hegazkinak entregatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...