Albistea entzun

Euskara

EEPko ordezkariek Parisen isiltasuna deitoratu dute

Irailean egin zuten bilkura Frantziako Hezkuntza Ministerioarekin. Azterketak euskaraz egiteko eskubidea aipatu zuten nagusiki.

Antton Kurutxarri EEPko lehendakaria agerraldi batean
Antton Kurutxarri EEPko lehendakaria agerraldi batean Guillaume Fauveau Tamaina handiagoan ikusi

Garazi Aduriz Zuñeda -

2022ko abenduak 7 15:51

EEP Euskararen Erakunde Publikoko ordezkariek salatu dute Parisek oraindik ez duela erantzunik eman. Agiri bateratua plazaratu dute Frantziako Estatuaz gain EEP osatzen duten hiru instituzioetako ordezkariek: Antton Kurutxarri Euskal Hirigune Elkargoko hizkuntza politikarako lehendakariorde eta EEPko lehendakariak, Maider Behotegi Pirineo Atlantikoaren ordezkariak eta Frederique Espagnac Akitania Berriko ordezkariak. Egoeraren “ulermenik eza” adierazi dute. Irailean Parisen bilkura egin zutenetik, Frantziako Hezkuntza Ministerioaren erantzunaren zain gelditu dira. Alta, bilkuran aipaturiko gaiek «bilakaera eta erantzun zehatzak» behar zituztela argi gelditu zela diote hiru hautetsiek. Besteak beste azterketak euskaraz egiteko eskubideari buruz erantzun bat espero dute ordutik.

Irailaren 14an egin zuten bilkura EEPko ordezkariek, Ipar Euskal Herriko parlamentariek eta Frantziako Hezkuntza Ministerioko ordezkariek. Euskarazko irakaskuntza izan zen aipagai nagusia: sare publiko zein pribatuetan euskara hutsean diren gelen irekiera eta azterketak euskaraz iragatea. Bilkura «adeitsu eta eraikitzailea» iruditu zitzaiela azaldu zuten EEPko ordezkariek, eta baieztatu zuten Parisko ordezkariek ontzat eman zituztela EEPkoek mahaigaineratutako argumentuak. Ministeriotik «epe onargarri batean» erantzun bat emango zietela segurtatu zieten; alta, azken hiru hilabeteetan «ez da ondoriorik izan». Azaroaren 14an protesta egin zuen Seaskak Bordelen (Okzitania) eta ikasleen eskubideak errespetatzeko eskatu zion Frantziako Gobernuari. «Elkarrekin onartu bagenuen gai horri buruzko bigarren bilkura baten beharra, gaurdaino ez zaigu heldu data berri baten proposamenik», adierazi dute EEPko ordezkariek.

Agirian azaldu dutenez, behin baino gehiagotan egin diote dei Frantziako Hezkuntza Ministerioari: «Urriaren 19an eta 21ean, gutun bat igorri zen Parisera postaz, eta gero mezu elektronikoz, eskuratze agiririk eta erantzunik gabe», esplikatu dute. «Are okerrago, azaroaren 8an Max Brisson senatariak ministroari gaia aipatzerakoan, honek ez zuen deus erran Baxoaren eta lizeoaren erreformaz». Hiru hautetsiek salatu dutenez, Hezkuntza Ministerioko ordezkariek EEP «hizkuntza politikarako etxe amankomun» gisa definitu bazuten ere, ez dute «erakundearekin komunikatzen».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Miravalles-Redin ikastetxe, Iruñean. ©IÑIGO URIZ / FOKU

Nafarroak batxilergoko ituna eten die ikasleak sexuaren arabera bereizten dituzten ikastetxeei

Ion Orzaiz

Hezkuntza Departamentuaren esanetan, Opus Deiren bi eskolek, Miravalles-Redinek eta Irabia-Izagak, «ez dituzte betetzen itunerako baldintzak»

Arkaitzerrekako kutsadura salatzeko protesta martxa bat. ©Jon Urbe / Foku

Zubietako erraustegiko kutsaduraren auzian delitua egin duten ikertzen hasi da epaitegi bat

Iñaki Petxarroman

GuraSOSek ohar baten bidez jakinarazi duenez, fiskaltzaren idatzi bat aintzat hartu du Donostiako 5. Instrukzio Epaitegiak zigor diligentziak hasteko.

Nafarroako Sindikatu Medikoko ordezkariak, gaurko agerraldian. ©IÑAKI PORTO / EFE

«Lan gainkarga» arintzea galdegin du Sindikatu Medikoak, greba bertan behera uzteko baldintza gisa

Ion Orzaiz

Salatu dute Osasunbideak aurkeztutako proposamenak ez direla «nahikoak, ezta berehalakoak ere»

Julen Portillo, eskuinean, Joseba Argiñano sukaldaria ondoan duela, ETB1eko Sukalerria saioan. ©Julen Portillo

Euskara, sormenerako harribitxia eta aukera

June Romatet Ibarguren - Gipuzkoako Hitza

Sortzaile gazteak dira Julen Portillo zarauztarra, Andrea Gonzalez bergararra eta Maddi Etxeberria andoaindarra. Internet bihurtu dute euren gotorleku, eta han biluzten dute barrua, eguneroko kontuak bideo labur bihurtuta. Hasieratik argi eduki zuten hirurek: euskaraz sortuko zituzten edukiak. Bidea egiten ari dira.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.