Albistea entzun

Europako Parlamentuko presidenteorde bat atxilotu dute, ustelkeria egotzita

Bost lagun atxilotu dituzte guztira. Poliziaren arabera, Qatar Europako Parlamentuan hartzen dituzten erabaki politiko eta ekonomikoetan eragina izaten ahalegindu zen, besteak beste, atxilotuen bidez.

Europako Parlamentuak Estrasburgon (Frantzia) duen egoitza.
Europako Parlamentuak Estrasburgon (Frantzia) duen egoitza. EFE Tamaina handiagoan ikusi

Mikel Elkoroberezibar Beloki -

2022ko abenduak 9 21:34

Belgikako Poliziak bost lagun atxilotu ditu gaur, ustelkeria egotzita. Horietako bat Eva Kaili da, Europako Parlamentuko hamalau presidenteordeetako bat, eta parlamentuko mahaiko «erantzukizun sozial instituzionalaren» arduraduna. Belgikako Polizia ikertzen ari den ustezko ustelkeria kasu baten testuinguruan atxilotu dute Kaili. Uztailean abiatu zuen ikerketa, eta Poliziaren arabera, Qatar Europako Parlamentuan hartzen dituzten erabaki politiko eta ekonomikoetan eragina izaten ahalegindu zen, besteak beste, atxilotuen bitartez. «Diru kopuru handiak eta opari garrantzitsuak eskaini zizkieten Europako Parlamentuaren barruan leku politiko eta estrategiko garrantzitsua zuten pertsonei», azaldu du Belgikako Fiskaltza Federalak.

Fiskaltzak «Golkoko herrialde bat» aipatu du oharrean, baina iturri ofizialak kontsultatu ostean, Belgikako Le Soir eta Knack hedabideek berretsi dute Munduko Kopa antolatu duen herrialdea dela ikertu dutena: Qatar.

Eva Kaili greziarra da, eta sozialisten talde parlamentarioko kide. Pasok Mugimendu Sozialista Panheleniarra Greziako alderdi sozialdemokratak adierazi du ja alderditik kanporatu dutela. Beste lau atxilotuek ere lotura dute ganberarekin. Eurodiputatu ohi bat dago —Antonio Panzeri italiarra, sozialisten taldekoa izandakoa—, Sindikatuen Nazioarteko Konfederazioko presidente Luca Vinsentini, baita Kailiren bikotekidea eta lobbysta bat ere. Behin-behinean atxilotu dituzte, eta epailearen aurrean deklaratu beharko dute.

Poliziak jakinarazi duenez, erregistroetan 600.000 euro aurkitu dituzte, eskudirutan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Peruko Polizia herritar bat atxilotzen, Boluarteren aurkako manifestazio batean, atzo, Liman. ©Antonio Melgarejo / EFE

Peruko bozak urrira aurreratzeko lege proiektua aurkeztu du gobernuak

Mikel O. Iribar

Hain zuzen, Kongresuak hauteskundeak abendura aurreratzeari ezezkoa eman ondoren heldu da gobernuaren erabakia. Proposamen horren arabera, Boluarteren agintaldia abenduaren 31n amaituko litzateke.

 ©KETTY MARCELO LOPEZ

«Perun hil egiten gaituzte; diktadura zibiko-militar batean bizi gara»

Mikel O. Iribar

Buruzagi indigenak azaldu duenez, Castilloren atxiloketa «bidegabeak» ez ezik, Perun duten krisi sozialak eta arrazakeriak ere eragin dituzte egungo protestak: «Ez dugu amore emango».
Goizaldean bonbardatutako eraikinetako bat, Kramatorsken. / ©Segey Shestak, EFE

Hiru pertsona hil dira etxebizitza eraikin baten aurkako bonbardaketan Ukrainan

Arantxa Elizegi Egilegor

Kievek ohartarazi du Errusiak «erasoaldi handi bat» hasteko asmoa duela gerra hasieraren urteurrenean. Europako Batzordeko presidentearen bisita baliatuta, Zelenskik zigor gehiago eskatu ditu Moskuren aurka.

Protesta bat Jeninen, Gazan, joan den ostiralean, Zisrdanian egindako sarekadak salatzeko. / ©Mohammed Saber, EFE

Israelek 224 palestinar hil zituen iaz, tartean 53 adingabe

Arantxa Elizegi Egilegor

Goizaldean, Israelgo armadak Gazako hainbat eremu bonbardatu ditu. Ez da zauriturik egon.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.