Jendea gainezka, eta jairako gogoa ere bai. Batek baino gehiagok sumatuko zuen San Tomas jaiko urteroko irudiaren falta: taloak jateko ilarak, sagardo botilak eskuan, baserritar trajeak soinean... Luze jo du bi urteko etenaldiak, baina atzean utzi dute hura Bilbon, Donostian, Azpeitian (Gipuzkoa) eta Arrasaten (Gipuzkoa).
Giro ederra dago, gainera. Postutik postu dabil jendetza Bilbon. «Igartzen da bi urtean ez dela azokarik egon», esan dio Hodei Villalba Muskizko (Bizkaia) ekoizleak Olatz Silva BERRIAko kazetariari; Bilboko kaleetan dabil Silva, San Tomas egunekoak jasotzen. Areatzan eta Arriaga antzoki atzean dira gaur ekoizle guztiak, 238 postutan. Hala, aurretik inoiz ikusi gabekoa: Plaza Barria, hutsik. Urtero han ere bildu ohi dira nekazari eta ekoizleak; aurten ez, ordea.
Aldaketa batekin dator aurten. Plaza Berria hutsik dago. Ez dago postu bat ere. Areatzan daude denak, eta Arriaga atzean. @berriapic.twitter.com/z4kGyONOly
— Olatz Silva Rodrigo (@olatz_silva) December 21, 2022
«Beti egon gara Areatzan, ea datorren urtean zerbait egiten den hau aldatzeko», azaldu dio Nieves Aurrekoetxea talogileak BERRIAri. Udaletxetik hurbil dira talogileen postuak. Sopuertako (Bizkaia) Lezamako Etxetik joan diren ekoizleak ere ez dira konforme lekualdaketarekin: «Egun ona da salmentetarako, baina toki aldaketak ez digu mesederik egiten. Jendeak ez gaitu aurkitzen».
Udaletxe ondoan ere ez daude konforme toki aldaketarekin. Lehenengo txosna Sopuertatik dator. Lezamakoetxe.
— Olatz Silva Rodrigo (@olatz_silva) December 21, 2022
🗣ï¸Ã‚ “Egun ona da salmentetarako, baina toki aldaketak ez digu mesederik egiten. Jendeak ez gaitu aurkitzen” @berriapic.twitter.com/mdxvcJOVj6
Donostian ere ez da jenderik falta. 166 postu jarri dituzte hiriburuan, auzoz auzo. Baina Konstituzio Plaza izango da, ziur asko, arreta handiena eskuratuko duena. Bertan da Roxaito txerria, 200 kilokoa. Aizarnazabalgo (Gipuzkoa) Larraxko landetxetik eraman dute; 20:00ak arte egongo da. Donostiakoak ere jasotzen ari da Amaia Jimenez kazetaria.
San Tomas egunean murgilduta daude donostiarrak. Irudian, eguneko protagonistetako bat: 'Roxaito' txerria. 200 kiloko txerria lasai dagoela dirudi, jendeak argazkiak etengabe ateratzen dizkion bitartean@berriapic.twitter.com/sqXv3ZyF8w
— Amaia Jimenez (@amaiajimenez55) December 21, 2022