Yeti Airline konpainiaren hegazkin batek istripua izan du gaur goizean Pokharan, Nepalen, eta gutxienez 68 lagun hil dira. Denera 72 lagun zihoazen hegazkinean (68 bidaiari eta lau langile), eta desagertuta jarraitzen dute lauk; erreskate zerbitzuek bihar jarraituko dute haien bila, baina, esan dutenez, ez dute haiek bizirik topatzeko itxaropenik. Gainontzeko bidaiarien hilotz guztiak topatu dituzte.
Un ATR-72 de Yeti Airlines con 70 personas a bordo se ha estrellado en Pokhara, Nepal. Volaba desde la capital, Katmandú. No parece que vayan a encontrarse supervivientes. pic.twitter.com/XNd0dyBGUR
— Zigor Aldama é½ÂÂÂ戈 (@zigoraldama) January 15, 2023
Euskal Herrian 04:48ak zirela (Nepalen 10:33ak) abiatu da hegazkina Katmandu hiriburutik, eta Pokharako nazioarteko aireportuan lur hartzera zihoala erori da (Katmandutik 200 kilometro ingurura). Horren ondorioz, zatitu egin da hamabost urte zituen ATR72 hegazkina. Sakan batean erori da, gainera, eta horrek zaildu egin ditu erreskate lanak.
Oraindik ez dute argitu zerk eragin duen istripua, baina azaldu dute eguraldia ona zela, eta ustez arazorik gabe lurreratzen ari zirela.
72 bidaiarien artean sei adingabeak ziren, eta hainbat jatorritako pertsonak zeuden tartean: Nepalgoak ziren 53, baina tartean zeuden Indiakoak, Errusiakoak, Hego Koreakoak, Irlandakoak, Argentinakoak eta Frantziakoak. Nepalen azken hiru hamarkadetan izan den hegazkin istripurik larriena da.
Aurrez, Nepali nazioartean hainbat isun jarri izan dizkiote hegazkinak behar bezala ez kontrolatzeagatik. Besteak beste, Nepalgo hegazkin konpainiek debekatua dute AEBetan sartzea 2013tik. 2000. urtetik gutxienez 350 lagun hil dira han hegazkin istripuetan.