Albistea entzun

Hizkuntza eskubideak jomugan

Baliogabetu egin dute atzerriko ikastetxeak euskarazko ordu batzuk ematera behartzen dituen agindua

EAEko Justizia Auzitegi Nagusiak hartu du erabakia, Bilboko Eskola Amerikarraren eskaerari erantzunez. Hezkuntza Sailak esan du ez dela «aldaketa nabarmenik» egongo, «forma akats bat dela-eta» hartu dutelako erabakia.

Bilboko ikastetxe amerikarra, Berangon
Bilboko ikastetxe amerikarra, Berangon Google maps Tamaina handiagoan ikusi

Irati Urdalleta Lete -

2023ko urtarrilak 23 15:45

EAEko Justizia Auzitegi Nagusiak baliorik gabe utzi du atzerriko ikastetxeei curriculuma eta eman beharreko gutxieneko euskara zein gaztelania orduak zehazten dizkien agindua. Horrela, arrazoia eman diote Bilboko Eskola Amerikarrari, eta baliorik gabe geratu da Eusko Jaurlaritzako Hezkuntza Sailaren 2021eko martxoaren 24ko agindua.

Gaur egun, agindu horren bidez, ikastetxeok behartuta daude gutxienez 1.050 orduan Euskara eta Literatura ikasgaia ematera, etapa guztietan, eta beste 1.050 orduan Gaztelania eta Literatura ematera. Alabaina, Bilboko Eskola Amerikarrak helegitea ipini zion, eta baliorik gabe geratu da. Hauxe EAEko Justizia Auzitegi Nagusiak eman duen arrazoia: Eusko Jaurlaritzak ez ziela aurrez kontsultarik egin aginduak eragindakoei.

BERRIAri Hezkuntza Sailekoek esan diotenez, epaiak ez du «aldaketa nabarmenik» ekarriko ikastetxe horietara; izan ere, haien esanetan, epaitegiak «forma akats bat» dela-eta utzi du baliorik gabe, eta ez da edukietan sartu. 2021eko agindua baliogabetuta, aurrerantzean 2012ko martxoaren 12koa egongo da indarrean. Hauxe dio ordutegien inguruan: «Derrigorrezko Bigarren Hezkuntzan, Gaztelania eta Literatura eta Euskara eta Literatura irakasgaietako curriculuma emateko 2.380 ordu erabili behar dira, gutxienez». Hauxe dio baliorik gabe utzi dutenak: «Atzerriko hezkuntza sistema bat irakasten duten unibertsitatez kanpoko ikastetxeetan Gaztelania eta Literatura, Euskara eta Literatura eta Geografia eta Historia irakasteko gutxieneko ordutegia Euskal Autonomia Erkidegoan Lehen Hezkuntza eta/edo Derrigorrezko Bigarren Hezkuntza ematen duten gainerako ikastetxeentzat abenduaren 22ko 236/2015 Dekretuak ezartzen duena izango da. Dekretu horretan ezarritakoaren arabera, Gaztelania eta Literatura irakasteko gutxieneko ordutegia 1.050 ordukoa izango da. Euskara eta Literaturako curriculuma emateko gutxieneko ordutegia 1.050 ordukoa izango da. Hezkuntza Sailak esan du beste agindu bat prestatzeko lanean ari direla.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hiru lagun Lezetxikin, urtarrilaren 28an, AHTaren tunela atzean dutela. ©Besaide mendi elkartea

AHTaren tunel bat Lezetxiki barruan egin dutela salatu dute

Paulo Ostolaza

Euskal Herriko giza aztarnarik zaharrenak topatu diren lekua da Arrasaten (Gipuzkoa) dagoen kobazulo hori. Arrasate inguruko espeleologia zaleen talde batek egin du salaketa.

Maite Peña Gipuzkoako Gizarte Politikako diputatua, artxiboko irudi batean. ©BERRIA

Nazioartean bilatzen ari dira Donostian «lapurturiko» umea

Berria

Foru Aldundiaren tutoretzan ordu batzuk zeramatzanean eraman zuten haurra. Ama biologikoak eraman zuela uste dute

Eraso homofobo bat salatzeko elkarretaratzea, artxiboko irudi batean. ©Marisol Ramirez / Foku

Eraso homofobo bat salatu dute Barakaldon

Berria

Barakaldoko Udalak jakinarazi du asteburuan izan zela erasoa. Elkarretaratze bat egingo dute bihar.

Bidaiari batzuk, Donostiako autobus geltokian. ©GOTZON ARANBURU

Ibilbide luzeko autobusak doakoak dira jada Hego Euskal Herrian ohiko bidaiarientzat

Jone Arruabarrena

Bidaiariek fidantza bat ordaindu beharko dute, eta gutxieneko bidaia kopuru bat egiten dutenean itzuliko zaie dirua

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.