Albistea entzun

Sindikatuak

LABek politika publikoak aldatzeko eskatu dio Txibite lehendakariari

LABek herritarren egoera prekarioaren berri eman dio Txibiteri, eta aberastasuna modu bidezkoan banatzeko eskatu dio.

Miguel Moreno Harreman Instituzionaletako zuzendaria, Maria Txibite lehendakaria, Garbiñe Aranburu LABeko koordinatzailea eta Imanol Karrera LABeko bozeramailea
Miguel Moreno Harreman Instituzionaletako zuzendaria, Maria Txibite lehendakaria, Garbiñe Aranburu LABeko koordinatzailea eta Imanol Karrera LABeko bozeramailea LAB Nafarroa Tamaina handiagoan ikusi

Itsaso Jauregi -

2023ko urtarrilak 23

Garbiñe Aranburu LABeko koordinatzaile orokorra eta Imanol Karrera Nafarroako bozeramailea Maria Txibite lehendakariarekin bildu dira gaur, Iruñean. Bertan, LABek lehendakariarekin partekatu du 2022an Nafarroako langileen lan eta bizi baldintzen buruz egindako txostena. Azterketa horren arabera, Nafarroako langileen erdiak prekario bizi dira.

Sindikatuak egindako azterketaren arabera, 178.175 nafar langabezian daude, egoera ez-aktiboan edo 1.400 eurotik beherako diru sarrerekin. Hori kontuan hartuz, LABek Nafarroako lehendakariari eskatu dio «indarra egin dezala» gehiengo sozialaren baldintzak hobetzeko. Egoerari aurre egiteko, sindikatuak «ezinbestekotzat» jotzen du aberastasuna banatzeko lanak bideratzea, eta, horregatik, Txibiteri galdegin diote enpresaburu eta eskuindarrek erreforma fiskalari jarritako betoa gainditzea: «Onartezina da Nafarroako enpresek irabaziak handitzen dituzten bitartean langile klasean erosteko ahalmena galtzea», adierazi du LABek bere prentsa oharrean.

Beste neurri batzuen artean, sindikatuak Txibiteri eskatu dio LAB Nafarroako Lan Epaitegitik kanpo ez uzteko eta haien parte hartzea bermatzeko. Gainera, osasun publikoa izan da mintzagai Nafarroako Jauregian egindako bileran. Zerbitzu publikoak pribatizatzeko joera kritikatu du sindikatuak: «Zerbitzu publikoak hobetzea eta indartzea gure bizitzak erdigunean jartzea da. Guztion osasuna zainduko duen osasun publiko eraginkorra bermatzeko, langile guztien lan eta ordainketa baldintzak hobetu behar dira».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

LABeko kideak, Sernaren atarian. ©LAB
Nafarroako UGTren 12. kongresua, 2021ean. ©Jesus Diges / EFE

UGTk irabazi ditu Nafarroako 2022ko hauteskunde sindikalak, ia %25eko ordezkaritza lortuta

Iñaut Matauko Rada

CCOO eta UGT dira hurrenak, %24 eta %23ko ordezka eskuratuta, hurrenez hurren. LAB %17tik gora geratu da.

Mondragon korporazioaren egoitza nagusia, Arrasaten. ©Mondragon Taldea

Mondragonen industria arloa %15 handitu zen iaz, Ulma eta Orona kontuan hartu gabe

Imanol Magro Eizmendi

Taldearen industria arloak 4.800 milioi euroko fakturazioa izan zuen, ekipamenduei eta makina-erremintari esker batez ere. «Egoera onean gaude», laburbildu du Uzinek.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.